1 Timoti 6:13 - Bhiblia Yo Sawuleka

¹³ Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

1 Timoti 6:13 Referans Kwoze

Matewu 27:11

Jesu a to yiswa masoni ka mfumeli Pilato, awu a nga mu wotisa a txi khene: “Ngawe mfumeli wa Vajudha kani?” Jesu a to xamula a txi khene: “U womba tona.”

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Mtuletelo 21:6

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

1 Timoti 2:5

Nguko Txizimu njimwetxo dwe txi kuho, se ni m'thu mmweyo a kuho hagari ka Txizimu ni ka vathu, ku Jesu Kristu m'thu mnene,

Mithumo 17:25

kha txi thumelwi ngu manza a vathu, txi txi nga txo pwata txilo, nguko txona txipune ngu txona txi ningako sotshe ka votshe, wutomi ni kuhefemula ni sotshe simaha .

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Johani 5:26

Kufana ni kuwa Tate i ku txisima txa wutomi ngu toneto a ningile Mwanana kuva i di txisima txa wutomi nene.

1 Samuwele 2:6

Mkoma ngene a thavisako wutomi, kambe ngene a ningako; wa relelisa m'thu dithithani, se e tshumela e m'humisa ka dona.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Matewu 27:2

Se va di mu sungile mawoko, va to mu heleketa veya mningela ka mfumeli Pilato.

2 Vakorinto 9:13

Ngako va txi wona mthumo wuwa wu kombisako wunene wanu, vona va na dhumisa Txizimu ngu mhaka ya kuengisa kwanu ka timhaka ta Evhangeli ya Kristu. Kambe vona va na dhumisa Txizimu ngu msengo wa wunene awu anu mi va vhunako ngu wona, i si nga vona vokha, aniko ni votshe vathu.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

1 Timoti 1:15

Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.