1 Timoti 6:11 - Bhiblia Yo Sawuleka

¹¹ Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

1 Timoti 6:11 Referans Kwoze

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

1 Vakorinto 10:14

Ngu toneto, vo randeka ngutu, thavani kukhozela sizimu sa walo.

1 Pedro 3:11

A na vayilele wubihi, e maha wunene: A na lave kuthutha, e kusimamela.

1 Vakorinto 6:18

Thavani wugelegele. Txionho txihi ni txihi a txi mahako m'thu, txi kule ni mmidi wakwe; kambe awule a mahako txionho txa wugelegele a onhela mmidi wakwe wupune.

Masalmo 34:14

Hambuka ka wubihi, u txi maha ti i ku ta tinene; lava kudikha ngu kutimisela.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

1 Vakorinto 14:1

Khutalelani lirando, mi txi navela kumana sihiwa sa Moya, ngutu-ngutu txihiwa txa kuwomba dipswi.

Varoma 14:19

Ngu konaho, he xoteni kumaha ati ti vangako kudikha ni ti ti hi akako amu ka likholo.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Masalmo 38:20

Vona va ni dihela wunene ngu wubihi, ve ni wukela, kasi ani ni khutala ngu kumaha wunene.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

2 Makronika 8:14

Ngu kulondeta sileleto sa tate wakwe Dhavhidha, a to lulamisa mitxawa ya vaphaxeli ka mithumo ya vona ni mitxawa ya Valevhi ka mithumo ya yona kasi kuva txi dhumisa Txizimu ni kuthuma masoni ka vaphaxeli ditshiku ni ditshiku madingano ni ti ti nga longisiswa tona, e lulamisa ni mitxawa ya va woneleti va matimba, e txi va veka ka ditimba dimwani ni dimwani ngu kulondeta mlayo wa Dhavhidha, m'thu wa Txizimu.

2 Vafumeli 23:17

Sekoko a to khene: Njiwumbwa muni txi ni txi wonako kani? Se vathu va didhoropani va to kha vona: Dithitha da m'thu wa Txizimu wa kuta ngu ditikoni ka Judha, a nga profeta ngu ti u nga ti maha ka txiluvelo txiya txa Bheteli.

2 Vafumeli 1:13

Se mfumeli a to engeta e rumela mmwani mthangeli wa wuraru, ni vathu va mtxhanu wa magumi; sekoko mthangeli wule a to kwela eya khizama ngu mazolo masoni ka Elija, e mkhongotela a txi khene: Awe m'thu wa Txizimu, na ku kombela ti to uva ni wumbilu ngu wutomi wangu, ni wutomi wa sithumi siya sako sa mtxhanu wa magumi.

2 Vafumeli 1:9

Sekoko a to rumela mthangeli wa mtxhanu wa magumi a vathu, a txi mkwelisa mmangoni, a txi khene: Awe m'thu wa Txizimu, mfumeli a khene: Txhika.

1 Vafumeli 20:28

A to bwaka m'thu wa Txizimu a txi ta khene ka mfumeli wa Israyeli: Mkoma a womba tiya: Hambiko Vasiriya va ku kha vona: Mkoma Njizimu txa mimangoni hi nga Txizimu txa mikovani, dotshe dibutho diya da hombe ni na di ningela manzani kwako, kasi u txi na tiziva ti taku ani ni Mkoma.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

1 Samuwele 2:27

Se kutota m'thu wa Txizimu ka Eli, a txi ta m'gela tiya: Mkoma a womba tiya: Ina kha na tikomba ngu ditshuri, ka nyumba ya tate wako, va ka Israyeli va di ngadi Egipta, nyumbani ka Faro, kani?

1 Vafumeli 13:26

Se mbimo yile a nga tiengisa mprofeti wule a nga mtshumeta hanzila, a to khene: I m'thu wa Txizimu a nga eyisa txisofu txa Mkoma; ngu mhaka yeto Mkoma a mningete ka ngonyamo, yi yi nga m'dayisa ku mphatulela, madingano ni dipswi dile a nga ti getwe ngu Mkoma.

1 Vafumeli 13:1

Wonani ati to ngu kuruma ka Mkoma kutile m'thu wa Txizimu Bheteli ngu Judha; se Jerobhowamu a ti txiluveloni, kasi kuhisa dibaselo.

1 Samuwele 9:6

Aniko ene a to m'gela tiya: Wona taku, ku ni m'thu wa Txizimu ka didhoropa diya, kambe mbwa mwamna wa wudhumo; totshe ti a wombako ta maheka, kha ti tandeki. Hi tsimbile konkuwa kwakwe, kutilava a na ya hi komba nzila yi hi felako kutsimbila ngu yona.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Dhewuteronome 16:20

Tsimbilisa kululama dwe, kasi ku u na hanya, u txi mana thomba ya ditiko di Mkoma, Txizimu txako, a no kuninga.

Nehemiya 12:36

ni vanawe, i ku Semaya, ni Azareli, ni Milalayi, ni Gilalayi, ni Mahayi, ni Netaneli, ni Judha, ni Hanani, ni sivetaveta sa Dhavhidha, m'thu wa Txizimu; se Ezra, mabhalani, a ti thangete masoni kwawe.

Nehemiya 12:24

Ndiva koko vathangeli va Valevhi: Hasabhiya, Serebhiya, ni Jesuwa, mwana Kadhimiyeli; se vanawe va ti masoni kwakwe, va txi dhumisa ni kuninga kubonga, madingano ni kuleleta ka Dhavhidha, m'thu wa Txizimu.

1 Makronika 23:14

Aniko ngu ka Mosi, m'thu wa Txizimu, vanana vakwe va batwe hagari ka lihunzu la ka Levhi.

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

Mavingu 15:9

Nzila ya muonhi njinyenyeko ka Mkoma, aniko ene a randa wule a tsimbilako ngu kululama.

1 Timoti 1:14

Kambe kateko ya Mkoma wathu ni yi mani ngu kutala ka yona, ngu likholo ni lirando li li ku ka Jesu Kristu.

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

2 Timoti 3:10

Kambe awe u ni londisete ngu hafuhi amu ka kugondisa, amu ka mahanyelo, amu ka makungo, amu ka likholo, amu ka lihoniselo, amu ka lirando, amu ka kutimisela,