1 Timoti 6:10 - Bhiblia Yo Sawuleka

¹⁰ Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

1 Timoti 6:10 Referans Kwoze

Mavingu 1:19

Edo ngu dona ditshuri da vale va ti ningetetelako mu ko navela; kunavela ku na ñola dihika da vale va ku ni kunavela.

1 Timoti 6:9

Se ava va lavako kumaha vanyatithombe, va wa kudukwani ni kuriyelwani ni minavelo yo tala ya wubhemba ni ya kuyisa tiphangoni, yi yisako vathu kulovani, ni kumwalatwani.

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Jakobe 5:19

Vanathu, ngako mmweyo wanu a txi leka nzila ya ditshuri, se mmwani a txi mu wuyisa ka nzila ya yinene,

1 Timoti 6:21

Ngu kulondetela toneto, vamwani va mwalatile likholo. Makatekwa ma nave ni nanu!

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Dhewuteronome 23:18

U nga tise hakhelo ya wugango, mwendo mtengo wo dihelwa yimbwa, Nyumbani ka Mkoma, Txizimu txako, ngu kuxambanya kokari; nguko ngu wumbidi wa sona, nzinyenyeko ka Mkoma, Txizimu txako.

Genesisi 29:26

Labhani a to xamula, a txi khene: “Kha ti maheki mu ditikoni kwathu, kuthanga mnanda e tsula wukati, na mkomwa kona a sanzi kutekwa.

Mtuletelo 18:13

kinamoni, i ku mafura o bhumula, mira ni dibaselo, vhinya ni mtona, mpupu wa mafaka ni fulaho, tihomu ni tinvuta, mahantxhi ni sikotxikani, tikhumbi ni mimoya ya vathu.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

Genesisi 38:16

A to ya hafuhi kwakwe eya khene: “Ngono ni ta wulela kwako, na ku kombela.” Nguko a ti si ti zivi ti to ngene maane wakwe. Aniko Tamari a ti khene: “Ngako u txi otela ni nani, u na ni ninga txani, kani?”

Genesisi 29:14

Sekoko Labhani a to khene kwakwe: “Kunene awe ni nani hi dirambu dimwedo ni nyama yimweyo.” Se Jakobe a to zumba nayo, mtxima wumwewo wotshe.

Joxuwa 7:21

Mbimo yile ni nga wona dijasi do tshura hagari ka sile so handwa, ni 200 wa maxekele a silivhela, ni dibwinzi da nzalama ya mtxhanu wa magumi a maxekele, ni to si navela ni txi si teka, wona taku, ni si sisile hahatshi ka mafu, hagari ka ditenda dangu, se silivhela yi ngu hahatshi ka sotshe.”

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

Ekleziyaste 2:19

Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi.

Matewu 6:19

“Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Marku 4:19

kambe kukhutalela sa mafu awa, ni kukanganyiswa ngu tithomba, ni kunavela ka silo simwani, ku txi welela vona, ku txi kura dipswi, se di si veki mihando.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

Genesisi 34:27

Vafana va Jakobe va to handa simaha sa vale va nga va dayela, va txi ya handa kambe didhoropani, kufela kupharela mhaka ya kunyenyeza, ayi va nga yi maha ka Dhina, ndiyawe.

1 Vafumeli 2:40

Se Simeyi a to khukha, e gadha mbongola yakwe, e tsula Gati, ka Akixi, e londeta sithumi sakwe; a mahisileto Simeyi kuya teka sithumi sakwe Gati.