1 Timoti 5:7 - Bhiblia Yo Sawuleka

⁷ Atiya ngu tona u fanelako ku va laya ka tona, kasiku ve zumba va si nga ni txisolo.

1 Timoti 5:7 Referans Kwoze

1 Timoti 4:11

Atiya ngu tona u fanelako kuleletela ni kugondisa.

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

Titosi 1:13

Kunene wufakazi wuwa mbwa ditshuri. Ngu konaho, va kawuke ngu mtamo, kasiku ve tsana amu ka likholo,

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

1 Timoti 1:3

Nga ti ni nga ku leletisa tona, ni txi ya Makedhoniya zumba konkheyo Efesu, kasi kutsunzukisa vamwani ti to va si gondisi ti i ku si nga tona,

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;