1 Timoti 5:6 - Bhiblia Yo Sawuleka

⁶ Kasi awule a lavako ku ti mahela kuranda, eyo hambi a txi hanya, a fite.

1 Timoti 5:6 Referans Kwoze

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Luka 15:24

nguko mwanana wu wangu, a nga ti fite, se a tshumete a txi hanya, a ti mwalate, se e tshumela e manwa.’ Se va to khata kubusa.”

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Vaefesu 2:1

Nananu mi ti fite ngu konaho ka minandu ni sionho sanu,

Luka 15:13

Msana ka masikuanyana madotho, awu wa mnanda a to pakela thundu yakwe, e khukha a txi tsula ka ditiko da kule, a txi ya hangalasela thomba yakwe, ngu kuhanyisa ku ambi ti pimela.

Matewu 8:22

Aniko Jesu a to khene kwakwe: “Ni londise, u txi leka vafi va txi tshotsha vafi vawe.”

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Luka 7:25

Kasi mi ti ya wona txani kani? I ti m'thu wu a nga bomba kani? Wonani, ava va ambalako tinguwo ta wubombi ni va va dyako so tshamba, va zumba tinyumbani ka vakoma.

Sidilo 4:5

Ava va nga ti tidya silo so nona konkuwa vawa ngu nzala mu tinzilani; avale va nga kula ngu kuambekwa tinguwo to vangama va handakasela amu matalani.

Jeremiya 6:2

Ni na lovisa m'horana wa Siyoni, awu i ku wo tshura ngutu na i ti wa wugomba.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Mavingu 29:21

Awule a fuyako txithumi txakwe ngu ku txi hena kukhukhela wananani ka txona, msana keto, txona txi na lava ku ti maha mwanana wakwe.

1 Samuwele 25:6

Se mi na ya khanu ka m'thu wule wo humelela: Kudikha ku nave ni nawe, ni nyumba yako yi nave ni kudikha, ni sotshe si wu ku naso si nave ni kudikha.

1 Samuwele 15:32

Sekoko Samuwele a to khene: Tisani Agage ahawa, mfumeli wa Vaamaleki. Se Agage a toya kwakwe a di tsakile; se a txi khene: Kha ditshuri kupandiseka ka lifo kupindile.

Dhewuteronome 28:56

Wamsikati wa kutithemba, awu i ku txivelekwa, kwanu, awu asi laviko ni kukanda hahatshi ngu mhaka ya wuvelekwa wakwe, a na wona ngu maso a kubonzolota wamwamna wu i ku txirandwa txakwe, kumweko ni mwanana wakwe wa dizambi ni wa dihorana.

Dhewuteronome 28:54

Hambi m'thu wo ti themba, awu i ku txivelekwa, hagari kwanu, a na wona ngu maso a kubonzolota mwanawe, ni msikati wule i ku txirandwa txakwe, ni vanana vakwe vale va nga sala va txi hanya;

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Genesisi 2:17

aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

2 Timoti 3:6

Hagari kwawe kumaneka avale va wulelako mitini ka vathu, ve bzweta vavasikati vo mbi tsana, ava va nemelwako ngu sionho, va ndindwako ngu totshe tixaka ta minavelo yo biha,