1 Timoti 5:21 - Bhiblia Yo Sawuleka

²¹ Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

1 Timoti 5:21 Referans Kwoze

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

Judha 1:6

Se tingelozi ti ti nga mbi veketa wukoma wa tona, aniko ti nga leka wukhalo wa tona, a ti vekile mtemani, ti di sungilwe ngu makhodha o mbi guma, ti verela kulamulwa ka ditshiku da hombe.

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

2 Vakorinto 5:16

Ngu toneto, kukhukhela konkuwa, awalo wu hi m'zivako ngu kuwona nyama yakwe. Hambi Kristu hi di m'zivisile toneto, kambe konkuwa hi nga tona ti hi m'zivisako tona.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

1 Vatesalonika 5:27

Na mi kombela ngu ka Mkoma ti to dipapilo diya, di gondwa ka votshe vanathu.

Luka 20:21

Se va to mu wotisa, va txi kha vona: “M'gondisi, ha tiziva ti to wa womba-womba ni kugondisa kha kwati ni kululamisa, kambe khu woni ngu khohe ya m'thu, aniko u gondisa nzila ya Txizimu ngu ditshuri.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Malakiya 2:9

Ngu toneto, nani ni mi mahile vo eyiseka, ni kutxhipa masoni ka votshe vathu, ti ti wombako ku kha ma xayisa tinzila tangu, aniko mi sawute tikhohe kutxhamuselani ka mlayo.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.

Masalmo 107:43

Awule i ku wo ziva, a na yi wonisisa mhaka yiya, e pimisa lirando la Mkoma.

Dhewuteronome 33:9

ngu tate wakwe ni mame wake ene a khene: “Kha ni zivi ku va wona.” Nene kha va ziva vanawe, kambe wa timelelwa ngu vanana vakwe. Ina vona va xayisile dipswi dako, kambe va vekisile txitumelelano txako.

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.