1 Timoti 5:14 - Bhiblia Yo Sawuleka

¹⁴ Ngu toneto, ni navela ti to tinoni ti ku ngadi tiphya ti tekwa, ti veleka vanana, ti wonda mwaya, ti si tuleli mlala nzila yo womba kubiha ngu wukhongeli.

1 Timoti 5:14 Referans Kwoze

Titosi 2:5

ve va ni wuzivi ni kuthembeka ni kutiveka hahatshi ka vamna vawe, ve va i di vaxayisi vavanene va timwaya tawe, i di vo randeka, kasiku dipswi da Txizimu di si poyilwi ngu m'thu.

1 Timoti 6:1

Votshe va va ku hahatshi ka dikange da wukhumbi va na wone vanyamne vawe nga vathu va va fanelako kuvekelwa txithavo, kasiku ditina da Txizimu ni gondo ya txona si si solwi.

Titosi 2:8

thumisa dipswi da dinene, adiya di ku si nga ni dikhwiti, di si sikotiko kukambulwa, kasiku mlala, ngako asi mani txilo txo soleka kwathu, a na wiswa tingana.

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

Dhaniyeli 6:4

Sekoko vathangeli ni vafumeli, va to lava nzila yo wukela Dhaniyeli ngu mhaka ya mfumo; kambe kha va mana nzila hambi mnandu ni wawumwewo; nguko ene a ti thembekile, aniko kwakwe kha kwa maneka wubihi mwendo mnandu.

Mavingu 14:1

Ni wihi wamsikati wu a nga txhariha wa ti akela nyumba yakwe, aniko awule wa txiphukuphuku a yi haxula ngu manza akwe.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

1 Timoti 5:11

Se vavasikati va va nga felwa i di ngadi vaphya, evo zumbela kule navo. Nguko minavelo yawe, ngako yi txi va hambanisa ni Kristu, va na lava kutshumela ve tekwa;

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

2 Vakorinto 11:12

Ati ni ti mahako ni na zumba ni txi ti maha, kasi kusiwukisa vale va lavako kutiguleta ngu nduma yo fana ni yi athu hi ku nayo.

Varoma 14:13

Ngu toneto, he lekeni kulamulana ngu txathu; kambe ti woneleni mi si vekeli mkwanu txikhuvekiso, hambi txitsha txa ku mu humba.

2 Samuwele 12:14

Hambi keto, ngako ngu mithumo yako u nga ninga wukhalo valala ve ruketela Mkoma, nene mwanana wule a nga velekwa kha ditshuri a na fa.

Genesisi 18:9

Se va to kha vona kwakwe: “Ahani msikati wako Sara kani?” Ene a to khene: “A ditendani mule.”

Genesisi 18:6

Abrahamu a to tsula ngu kukuluveta ditendani a txi ya gela Sara, a txi khene: “Kuluveta u txi teka tipimo tiraru ta mpupu wa wunene, u txi vhuva, u bhika simbwanda!”

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.