1 Timoti 5:1 - Bhiblia Yo Sawuleka

¹ U nga kawuke ngu mtamo awu i ku wa hombe kwako; aniko mkhongotele nga tate wako; vafana va kawuke nga vananda vako;

1 Timoti 5:1 Referans Kwoze

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

Titosi 2:2

Vavamna va madhota va nave va kutipimela, vo xonipheka, va mapimo amanene, va kutsana amu ka likholo ni mu ka lirando ni mu ka kutimisela.

1 Pedro 5:1

Ka madhota awa ma ku hagari kwanu, na ma kombela ani ni ku didhota kulowe, fakazi ya sixaniso sa Kristu, ni thembako kumana txyavelo txa kupfaliswa ku ku nota humelela, ni khani:

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Titosi 2:6

Laya ni vona va i ku vavaphya kasiku ve ziva kutipimela ka sotshe simaha.

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

Varoma 13:7

Va ningeni votshe asi si va fanelako: Awu a fanelako kuamukela mkhupo mningeni; awu a fanelako kuamukela nduwo, mluveni; awu a fanelako kuxoniphwa, mxonipheni; awu a fanelwako ngu txithavo, mthaveni.

Mithumo 15:4

Se ngako va di hokile Jerusalema va to amukelwa ngu Dibanza ni Vapostoli ni madhota, se ve va gela totshe ti Txizimu txi nga ti maha ngu vona.

Mithumo 14:23

Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

3 Johani 1:1

Ani Didhota ni bhalela Gayo wo randeka ngutu, awu ni mrandako ngu ditshuri.

2 Johani 1:1

Ani Didhota ni bhalela khosikazi yo sawulwa ngu Txizimu, ni vanana va yona, ava ni va randako, ngu ditshuri, hi nga ani nokha ni va randako, aniko ni votshe va va zivako ditshuri va va randa,

Jakobe 5:14

Wa ho wa kulwala hagari kwanu, kani? A na dhane madhota a Dibanza, ona ma na mkombelela, ma txi m'tota mafura ngu ditina da Mkoma.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Mithumo 20:17

Paulo, ngako a di Mileto, a to rumela kudhana madhota a dibanza da Efesu.

Mithumo 15:6

Se vapostoli ni madhota va to sengeletana kasiku ve yi wonisisa kha kwati mhaka yiya.

Dhewuteronome 33:9

ngu tate wakwe ni mame wake ene a khene: “Kha ni zivi ku va wona.” Nene kha va ziva vanawe, kambe wa timelelwa ngu vanana vakwe. Ina vona va xayisile dipswi dako, kambe va vekisile txitumelelano txako.

1 Timoti 5:2

vavasikati va hombe va khongotele nga vamame vako, mahorana ma angule nga tindiyako ngu kotshe kubasa ka mbilu.