1 Timoti 4:5 - Bhiblia Yo Sawuleka

⁵ Ngu konaho ka mkombelo ni dipswi da Txizimu, sotshe si sawulekisilwe.

1 Timoti 4:5 Referans Kwoze

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

1 Vakorinto 7:14

Nguko wamwamna wo mbi kholwa wa sawulekiswa ngu msikati; se wamsikati wo mbi kholwa wa sawulekiswa nene ngu mwamna. I si nga eto, vanana vanu va ndi nava va nzambwa; kupheti vona mbasawuleki.

Luka 4:4

Jesu a to angula, a txi khene: “M'thu kha hanyi ngu sakudya dwe.”

Titosi 1:15

Ka vava va nga basa timbilu, sotshe si basile, aniko ka vava va nga mbi basa, kuwalo txo basa: Mapimo ni livhalo lawe si onhekile.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Genesisi 1:25

Se Txizimu txi to vanga sihari sa txitinga, ngu tixaka ta sona, ni sifuyo ngu tixaka ta sona, ni sotshe si si tsimbilako ngu dibindi ha mafuni, ngu tixaka ta sona. Se Txizimu txi to wona ti to ndinene.

Vahebheru 11:3

Ngu likholo, ha ti pfisisa ti to nzuma ni mafu si mahilwe ngu Dipswi da Txizimu. Ngu toneto, asi si wonekako si tumbulukete ka si si si wonekiko.