1 Timoti 4:4 - Bhiblia Yo Sawuleka

⁴ Nguko sotshe si Txizimu txi nga si va nga nza sinene; kuwalo txi txi fanelako kunyenywa, ngako hi txi txi amukela ngu kubonga.

1 Timoti 4:4 Referans Kwoze

Varoma 14:20

U nga hasamule mthumo wa Txizimu ngu mhaka ya sakudya. Kha ditshuri sotshe silo si basile; aniko si bihile ngako m'thu a txi dya kambe a txi khuvekisa mmwani.

1 Vakorinto 10:25

Dyanani sotshe si va xavisako bhazara, mi si wotisi txilo ngu mhaka ya livhalo.

Varoma 14:14

Na tiziva ni va ni kholwa ngu ka Mkoma Jesu, ti to kha ku nga ni txilo txi txi nga mbi basa ngu wutumbu wa txona; ngako m'thu a txi alakanya ku tximaha txokari txi nyenyezile: Kwakwe kha txa basa.

1 Vakorinto 10:23

“Totshe ta tumeleleka,” aniko hi nga totshe ti vhunako. “Totshe ta tumeleleka,” aniko hi nga totshe ti akako.

Mithumo 21:25

“Vamatiko vava va nga amukela likholo, hi khala hi txi va bhalela ati hi nga sunga tona: Ti to va na ti wonele ka tinyama to phaxwa ka sithombe, ka mnoha ni ka tinyama to dawa ngu kukamwa mkolo, ni ka mithumo ya wugango.”

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Mithumo 15:29

Mi txi leka kudya tinyama ta kuphaxelwa sithombe, ni mnoha, ni tinyama ta sile si nga fa ngu kukamwa mkolo, mi txi thava txionho txa wugango. Mi na hanya wutomi wa wunene, ngako mi txi vayilela sotshe siya. Salani.”

Mithumo 10:15

Dipswi di to engeta di txi womba kwakwe, di txi kha dona: “Silo si Txizimu txi nga si basisa, u nga wombe ti to sa yila.”

Varoma 14:6

Awu a ti sawulelako ditshiku dokari, a di sawulela Mkoma. Awu a dyako sotshe, a dya ngu mhaka ya Mkoma, nguko a bonga Txizimu. Nene wu asi dyiko sotshe, kha si dyi ngu mhaka ya Mkoma, nene a bonga Txizimu ngu sona.

1 Vakorinto 10:26

Mafu nga Mkoma ni sotshe si si ku txitimwi ka ona.

1 Vakorinto 10:30

Ngako ni txi dya sakudya, ni txi bonga ka Txizimu, se ni solelwa txani ngu sakudya si ni nga si bongela kani?