1 Timoti 4:2 - Bhiblia Yo Sawuleka

² Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

1 Timoti 4:2 Referans Kwoze

Vaefesu 4:19

Ngu mhaka ya wubhemba wawe, va ti ningetete ka mikhuwo ya manyala, kasiku ve maha totshe tixaka ta mithumo ya nzambwa, va si sikoti kutiñola.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Mithumo 20:30

ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Mtuletelo 16:14

nguko ngu yona mimoya ya madhimoni yi mahako sixamaliso, yi hoka ni ka vafumeli va dotshe ditiko, kasi ku yi va tshanganisa ku yalwa yimbi ya ditshiku da hombe, da Txizimu txa mtamo wotshe.

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

1 Vafumeli 13:18

Ene a m'gete ku khene: Nani ni mprofeti kufana ni nawe, se ngelozi yi to ni angula ngu dipswi da Mkoma, yi txi kha yona: Mmahe e tshumela ni nawe mi tsula m'tini kwako, kasi ku eya dya dipawu, ni kusela mati (kambe a to mu hembete).

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Jeremiya 23:26

Ina tona tiya ti na vaho timbiluni ka vaprofeti va va profetako makuhu kani? Ava va profetako ngu kukanganyisa ka timbilu tawe vapune kani?