1 Timoti 4:16 - Bhiblia Yo Sawuleka

¹⁶ Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

1 Timoti 4:16 Referans Kwoze

Titosi 1:9

i di wo thembeka kutxhumayelani ka dipswi, e sikota kugondisa gondo yo tsana, kumweko ni kuthumelisa avale va zamako kukaneta.

Titosi 2:7

Thanga awe u va txikombiso txa mithumo ya yinene, u si vi ni txisolo, u va wa kuthutha amu ka kugondisa ditshuri;

1 Makronika 28:10

Wona koko konkuwa, Mkoma a kusawute kuva u aka nyumba yo sawuleka; tsana u maha mthumo.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

2 Timoti 3:14

Aniko awe, zumba u di tsani ka tiya u nga gonda, u txi ti tumela ngu kuva i di ta ditshuri.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Isaya 55:11

di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

1 Timoti 1:3

Nga ti ni nga ku leletisa tona, ni txi ya Makedhoniya zumba konkheyo Efesu, kasi kutsunzukisa vamwani ti to va si gondisi ti i ku si nga tona,

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

2 Timoti 2:10

Ngu konaho ni timiselako ka totshe, ngu mhaka ya vasawulwa, kasiku ni vona ve mana kuhanyiswa kuwa kuhumako ngu ka Kristu Jesu, kumweko ni kupfaliswa ko mbi guma.

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Jeremiya 23:22

Aniko, i tiku va ti ti emile banzani kwangu, nga va di zivisile ka vathu vangu timhaka tangu, ve va hundulusa nzilani kwawe ko biha, ni ka simaho sawe so biha.

Jakobe 5:20

a na ti zive ti to awule a tshumetako muonhi ka nzila yakwe ya kutimela, a na hanyisa moya wakwe ka lifo, se a na divalelwa mtalo wa sionho.

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

1 Vakorinto 9:22

Hagari ka vale va dikhodho mu ka likholo, ni ti mahile wa dikhodho nani kufela ku ni txi va mana. Ni ti mahile sotshe ka votshe kufela ku ni txi mana kuhanyisa vamwani ngu totshelele tinzila.

Varoma 11:14

kufela ku mwendo vathu va lixaka la ka kwathu va na navela, kasi ni txi sikota kuhanyisa vamwani vokari hagari kwawe.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

2 Makronika 19:6

A txi gela valamuli a txi khene: Ti woneleni ka ti mi no ti maha, nguko kha mi lamuli ngu kurumwa ngu vathu kambe mi rumwa ngu Mkoma, ene ani nanu ka mthumo wo lamula.

Filimoni 1:19

Ani Paulo, ni ku bhalelako ngu txyanza txangu, ngani ni no dihela. Kha ni ku alakanyisi ti to na nawe u na ni txikweneti kwangu, txikweneti txa kona ngu ngawe ngu wutumbu wako.

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Eksodha 23:13

Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

1 Vakorinto 1:21

Nguko, akuwa ditiko ni wutxhari wa dona, di nga mbi sikota kuziva Txizimu, ngu wuzivi wa wuzimu, ngu toneto ti tsakisile txona Txizimu kuhanyisa ava va kholwako ngu mhaka ya wuhundwa wa kutxhumayela kwathu.

1 Timoti 4:15

Atiya ngu tona u fanelako ku ti veketa hakhana. Atiya ngu tona u fanelako kutsanisela ka tona. U txi hanyisa tiya, kukula kwako ka mithumo ya yinene ku na tikomba ka votshe.