1 Timoti 4:13 - Bhiblia Yo Sawuleka

¹³ Na u txi verela kubwaka kwangu, ti ningetele amu ka kugonda dibhuku, amu ka kulaya, amu ka kugondisa.

1 Timoti 4:13 Referans Kwoze

Mithumo 6:4

Kasi athu hi na khutala hi txi ti ningetela ka mthumo wa kukhongela ni kutxhumayela.”

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Johani 5:39

Anu mi wonisisa Mibhalo ngu kualakanya tito, mi na mana wutomi wo mbi guma ka yona, kasi ngu yona yi ni fakazelako.

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Dhewuteronome 17:19

ene a na zumba nado, e di gonda ka otshe masiku a kuhanya kwakwe, kasi ku e gonda kuthava Mkoma, Txizimu txakwe, e vekisa otshe mapswi a mlayo wuwa ni sileleto sa kona, a txi si maha.

1 Vakorinto 14:26

Ti di ngeto, ku nga mahwa to txani kani, vanathu kani? Mbimo yi mi sengeletanako, mmwani ni mmwani kwanu a nga sikota kuthula ndando, mmwani a nga sikota kuwomba dipswi do gondisa, mwendo dipswi di a nga kombiswa ngu Txizimu, mwendo kuwomba mapswi okari ngu lidimi lo hambana, mwendo txiningo txo txhamusela ti ti wombwako ngu timwani tidimi; kambe totshe tiya ti na mahelwe kufela kuaka msengeletano.

1 Vakorinto 14:3

Awu a wombako dipswi a womba-womba ka vathu, kasiku a txi va aka, a txi va tsanisa, a txi va thavelela.

1 Vakorinto 14:6

Sekoko, vanathu, ngako ni txi mi tela, ni txi tela ku ta womba-womba tidimi, ni na mi vhuna ka tihi, hahanze ka kuva ni txi womba-womba ngu siwoniso sa Txizimu, ni timhaka ta wutxhari, ni ta kuwomba dipswi mwendo ta kugondisa, kani?

Varoma 12:8

awu a nga ningwa kulaya a na laye; awu a abaniselako, a na mahe ngu kutxhatxheka; awu i ku mthangeli a na thume ngu kutiningetela; awu a mahako mithumo ya wumbilu a na yi mahe a di henemene.

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.