1 Timoti 4:12 - Bhiblia Yo Sawuleka

¹² Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

1 Timoti 4:12 Referans Kwoze

Titosi 2:7

Thanga awe u va txikombiso txa mithumo ya yinene, u si vi ni txisolo, u va wa kuthutha amu ka kugondisa ditshuri;

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

2 Timoti 2:15

Khutalela kumaneka masoni ka Txizimu u di m'thu wu a nga dukwa, txithumi txi txi si faneliko kutelwa ngu tingana, awu a gondisako dipswi da ditshuri ngu nzila yo lulama.

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

1 Vakorinto 11:1

Mahani vaeteteli vangu, kufana ni nani ni ku mueteteli wa Kristu.

1 Vatesalonika 1:6

Se na nanu mi ti mahile vaeteteli vathu ni va Mkoma, ngu ku mi nga amukela dipswi hagari ka kuxaniseka ka hombe, na mi txi tsaka ngu litsako la Moya wo Sawuleka;

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

2 Timoti 2:7

Engisa ti ni wombako, se Mkoma a na kuninga kuziva totshe timhaketo.

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

1 Timoti 1:14

Kambe kateko ya Mkoma wathu ni yi mani ngu kutala ka yona, ngu likholo ni lirando li li ku ka Jesu Kristu.

Zakariya 2:4

Se yi txi yi gela tiya: Tutuma, u ya gela dizambi diya u txi khawe: Jerusalema ku na akiswa ku nga mikhokhola yo mbi na maguma, ngu mhaka ya kutala, ka vathu, ni ka sihari.