1 Timoti 3:8 - Bhiblia Yo Sawuleka

⁸ Vadhiyakoni ni vona, kulaveka i di vathu vo xonipheka, i si nga va makuhu, va si ti ningeteliko wusukeni, i si nga vathumeli va mabhindu a tingana,

1 Timoti 3:8 Referans Kwoze

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Titosi 2:3

Vavasikati va masungukati ni vona va fanela kuhanya ngu nzila yi yi hanelako vathu vo sawuleka; va nga mahe valumbeti kumbe ku ti maha tikhumbi ta kusela ko pindisa;

1 Timoti 5:23

U nga ye masoni ngu kuzumba u txi sela mati dwe, selanyana vhinya ya yidotho, ngu mhaka ya mndani kwako, ni mhaka ya kukhala ngu kulwalalwala.

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

Jakobe 3:10

Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

1 Timoti 3:12

Vadhiyakoni kulaveka i di va va nga teka msikati mmweyo dwe, ve xayisa ta tinene vanana vawe, ni m'ti wawe wupune.

Ezekhiyele 44:21

Ni wammweyo mphaxeli kha na mbi sela vhinya, mbimo yi a no wulela ka mtendela wa mndani.

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Masalmo 5:9

Sisofuni kwawe kha ku na ditshuri; timbilu tawe ti tate ngu wubihi. Mkolo wawe diyiva do asama, lidimi lawe li yisa kufani.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Varoma 3:13

Mikolo yawe mathowo awa ma nga asama, tidimi tawe ti tolovete kukanganyisa, mkanani kwawe ku tate ngu wuxungu wa minyoka,

Masalmo 50:19

Wa ti toloveta yotshe mbimo kuwomba kubiha, kambe khu kanakani kuwomba makuhu.

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;