1 Timoti 3:4 - Bhiblia Yo Sawuleka

⁴ Kulaveka a txi ziva kuxayisa ta tinene m'ti wakwe apune, a txi ziva kugondisa vanana vakwe kuengisa ngu fanelo yi yi lavekako.

1 Timoti 3:4 Referans Kwoze

Titosi 1:6

Didhota dimwani ni dimwani, kulaveka di si nga ni txisolo, adi i ku mwamna wa msikati mmweyo, adiya di ku ni vanana vo kholwa, avava ni mmweyo asi sikotiko ku va sola ka mhaka ya mahanyelo o biha mwendo o kanyisa.

1 Timoti 3:12

Vadhiyakoni kulaveka i di va va nga teka msikati mmweyo dwe, ve xayisa ta tinene vanana vawe, ni m'ti wawe wupune.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Titosi 2:2

Vavamna va madhota va nave va kutipimela, vo xonipheka, va mapimo amanene, va kutsana amu ka likholo ni mu ka lirando ni mu ka kutimisela.

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Titosi 2:7

Thanga awe u va txikombiso txa mithumo ya yinene, u si vi ni txisolo, u va wa kuthutha amu ka kugondisa ditshuri;

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Vaefesu 5:24

Se kota nga kuwa Dibanza di engisako Kristu, ni vona vavasikati va na engise vamna vawe ka totshe timhaka.