1 Timoti 2:7 - Bhiblia Yo Sawuleka

⁷ i ku yona mhaka yiya ani ni nga mahwa m'gondisi ni mpostoli wa yona ni womba ditshuri, kha ni hembi, ani ni m'gondisi wa vamatiko amu ka likholo ni mu ka ditshuri.

1 Timoti 2:7 Referans Kwoze

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

2 Timoti 1:11

Ani ni simekilwe kumaha m'gondisi wa Dipswi ni mpostoli ni m'gondisi ngu konaho ka Evhangeli yiya.

Varoma 9:1

Ani ni womba ditshuri masoni ka Kristu, kha ni hembi, livhalo langu la ni fakazela, na li txi woningwa ngu Moya wo Sawuleka.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Vagalatiya 1:20

Ati ni mi bhalelako, ni ti womba ni di masoni ka Txizimu, hi nga makuhu.

Vagalatiya 1:16

mbimo yoneyo ti nga tsakisa Txizimu ku ni tulela kuziva Mwanana wa txona, kasiku ni mpfalisa hagari ka vamatiko, kha na wotisa m'thu,

Varoma 11:13

Ni womba ni nanu, mi ku vamatiko, ni khani: Ngako ani ni ku mpostoli wa vamatiko, ni na ti karata ngu kutsimbitisa kha kwati mthumo wangu,

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

Vagalatiya 3:9

Ngu toneto, ava va kholwako va katekiswa kumweko ni Abrahamu, i ku dikholwa.

2 Vakorinto 11:31

Txizimu ni Tate wa Mkoma Jesu Kristu, txi dhumisekako kala kupinduka, txa tiziva ti to kha ni wombi makuhu:

Varoma 10:14

Kambe va na khozelisa kutxani ka wule va nga mbi kholwa kwakwe kani? Va na kholwisa kutxani ka wule va nga mbi engisa timhaka takwe kani? Va na ti engisisa kutxani, ngako ku si nga ni mtxhumayeli kani?

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Mithumo 22:21

Aniko ene a to ni gela ku khene: ‘Tsula, ni na kurumela ka vamatiko, aniya kule.’ ”

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Ekleziyaste 7:27

Wonani ti ni nga ti mana, kuwomba M'gondisi, e xola tximwetxo ni tximetxo, kasi kumana txivangelo,

Ekleziyaste 1:12

Ani m'gondisi, ni ti ti mfumeli wa va ka Israyeli, kona Jerusalema.

Masalmo 111:7

Totshe ti a ti mahako nda ditshuri ni kululama; milayo yakwe yi thembekile,

Vagalatiya 2:16

Ha tiziva ti to m'thu kha sikoti kumana wululami ngu mhaka ya mithumo ya Mlayo, aniko a mana wululami ngu mtamo wa likholo dwe ka Jesu Kristu; nanathu hi khotwe ka Jesu Kristu, kasiku hi mana wululami ngu likholo ka Kristu, i si nga ngu mithumo ya Mlayo; nguko ni wammweyo kha na mbi mana wululami ngu mhaka ya mithumo ya Mlayo.

Varoma 1:9

Nguko Txizimu txi, ni txi khozelako moyani kwangu ngu kutxhumayela Evhangeli ya Mwanana wa txona, ngu txona i ku fakazi yangu ka ti to kha ni leki ku mi alakanya;

1 Vakorinto 9:1

Ina kha na khululeka kani? Ina kha ni nga mpostoli kani? Ina kha na mu wona Jesu Kristu kani? Ina anu kha mi nga mthumo wangu ngu ka Mkoma kani?