1 Timoti 2:6 - Bhiblia Yo Sawuleka

⁶ a nga ti ningela kasi kutirula votshe vathu. Awuwa ngu wona wufakazi wu wu nga vekwa ka masiku awa ma fanelako,

1 Timoti 2:6 Referans Kwoze

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

1 Pedro 3:18

Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.

Vagalatiya 4:4

Mbimo yi txi nga hoka txikhati txa kona, Txizimu txi rumete Mwanana wa txona, a nga velekwa ngu wamsikati, a nga tumela kufumwa ngu Mlayo,

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

1 Johani 4:10

Lirando la Txizimu ngu liya: Hi nga athu hi nga randa Txizimu, txona ngu txona txi nga hi randa, txi hi rumela Mwanana wa txona, ku ta maha mhamba ya kudihela sionho sathu.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

1 Vakorinto 1:6

Ngu toneto, wu tsanisilwe kwanu wufakazi wathu ka Kristu,

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Jobe 33:24

sekoko yi na tsetsa m'thu, yi txi kha yona ka Txizimu: Mtxhatxhe, a nga relele diphalani; se ni mani txo mtekisa ngu txona.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 5:6

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

Johani 10:15

Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu.

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Marku 10:45

Nguko Mwanana wa M'thu kha tela ku ta thumelwa, a tete ku ta thumela vamwani, ni kuningela wutomi wakwe, kasi ku na tirula vavangi.”

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vahebheru 9:12

Ene a wulete kumweko dwe ka wukhalo wo Sawuleka ngutu. Ene kha phaxa ngu mnoha wa tiphongo mwendo wa tihomu, aniko a phaxile ngu mnoha wakwe wupune, a txi hi ninga kuhanya ko mbi guma.

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Varoma 16:26

aniko se wu nga sala kuwonekeliswa ngu Mibhalo ya Vaprofeti, nga tiya mlayo wa Txizimu txo mbi na magwito, wu nga lavisa tona, mlayo wu wu nga rurutelwa ka yotshe mifumo, kasiku yona yi txi londetela kukholwa.

Vaefesu 1:17

Na kombela ka Txizimu txa Mkoma wathu Jesu Kristu, Tate wa wudhumo, ngu wuzivi wa txona, txi mi ninga moya wa wutxhari ni mtuletelo;

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Vaefesu 3:5

ka vathu va tixaka ta kale, mhakeyo kha ya ziviswa ka vanana va vathu, kufana ni nyamsi Txizimu txi nga yi tuletela ngu Moya wo Sawuleka ka vapostoli va txona vo sawuleka ni ka vaprofeti;

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Vagalatiya 1:4

awu a nga ti ningela ngu mhaka ya sionho sathu, kufela ku hi hulukisa ka nyango yiya yo biha, ya masiku awa, madingano ni kuranda ka txona Txizimu Tate wathu.

Mitengo 7:15

dirole da matune, ni txinvutana tximwetxo txa matune, txa dilembe dimwedo ni hamba, kasi kumaha mningelo wo hiswa;