1 Timoti 2:5 - Bhiblia Yo Sawuleka

⁵ Nguko Txizimu njimwetxo dwe txi kuho, se ni m'thu mmweyo a kuho hagari ka Txizimu ni ka vathu, ku Jesu Kristu m'thu mnene,

1 Timoti 2:5 Referans Kwoze

Vagalatiya 3:20

Se mtshanganisi kha tshanganisi m'thu mmweyo dwe. Kasi Txizimu txona njimwetxo dwe.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Vahebheru 9:15

Ngu toneto, Ene i muemeli wa txitumelelano txa txiphya. Kufa kwakwe ku mahekile, kasi ku sionho si txi basiswa si si nga nga mahwa ka mbimo ya txitumelelano txo khata; se avale va nga dhanwa, va amukela thomba yo mbi guma, ayi va nga thembiswa.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Dhewuteronome 6:4

Engisa awe Israyeli, Mkoma, Txizimu txathu, Mkoma mmweyo dwe.

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Isaya 44:6

Mkoma, Mfumeli wa Israyeli, i ku Mtiruli wakwe, Mkoma wa Mabutho a Tiyimbi, a khene: Ani ngani wo khata, kambe ngani wo gwita, hahanze kwangu, kha ku nga ni Txizimu.

Varoma 10:12

Kha ku nga ho kuhambana hagari ka Mujudha ni Mugriki, nguko Mkoma wawe i mmweyo, awu a ku ni wuha ka votshelele va va m'khozelako.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Vahebheru 8:6

Aniko kha ditshuri, Kristu a mani mthumo wa hombe ngutu kupinda wa kale. Nguko, ene i muemeli wa txitumelelano txa tshuko, nguko sithembiso si txi nga sungwa ngu sona nza tshuko.

Vaefesu 4:6

ku ni Txizimu tximwetxo, i ku Tate wa votshelele, a va fumako votshelele, a thumako ngu votshelele, a zumbako ka votshelele.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Jobe 9:33

A walo wo ema hagari kwathu, wo a nga veka dianza txitimwi kwathu vavambidi.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Mtuletelo 1:13

Hagari ka sipande siya sa mtxhanu ni simbidi, ni to wona m'thu wokari wo fana ni Mwanana wa M'thu, na a di ambate nguwo yo lapha kala mikondoni, na a di yi sungile hakhana ngu libhande la nzalama.

Matewu 1:1

Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Varoma 1:3

yi wombawombako ngu Mwanana wa txona, a nga velekwa lixakani ka Dhavhidha ngu ka nyama;

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

1 Johani 2:1

Sivananananu sangu, ni mi bhalela timhaka tiya kasi ku mi si onhi; se ngako mmweyo wanu a txi onha, hi na ni Mthaveleli masoni ka Tata, Ene Jesu Kristu, M'lulami.

Luka 14:22

Se txithumi txi txi kha txona: ‘Mkoma, ati u nga ruma ti mahilwe, kambe wukhalo wu ngadi ho.’