1 Timoti 2:10 - Bhiblia Yo Sawuleka

¹⁰ aniko kuleka eto, va na ti bombise ngu mithumo ya yinene, nga vavasikati va i ku makholwa.

1 Timoti 2:10 Referans Kwoze

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Mtuletelo 2:19

Na yi ziva mithumo yako, lirando lako, likholo lako, kukhutala kwako, kutimisela kwako, mithumo yako yo gwitisa yi tate ngutu kupinda yo khata.

Mithumo 9:36

Didhoropani ka Jopa, ku ti ni wamsikati wa mgondiswa, awu a nga ti dhanwa ku i Tabhita, atiya ngu Txigriki ti txhamusako ku Dhorkasi. Ene a ti taletwe ngu mithumo ya wumbilu ni wuha.

Mavingu 31:31

Mningeni mihando ya manza akwe, kambe mithumo yakwe yi na m'dhunde txikenini.

2 Pedro 3:11

Akuwa ku no hya sotshe simaha siya si txi guma, anu mi fanete kuva ni mahanyelo o sawuleka a wukhongeli,

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Mavingu 31:25

Syambalo sakwe ngu mtamo ni wudhundo, kambe wa verela ta tinene mangwana wa ditshiku.

1 Timoti 2:9

kasi i di vavasikati va na ambale syambalo si si fanelako, va na bombe ngu txithavo ni kutiñola, va nga luke timbobo, hambi kuambala siphatiphati sa nzalama ni wusekenye, ni tinguwo to dhula ngutu;

1 Timoti 2:11

Kugondiswani, wamsikati a na zumbe a di malate, e ti veka hahatshi ta tinene.