1 Timoti 1:9 - Bhiblia Yo Sawuleka

⁹ na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

1 Timoti 1:9 Referans Kwoze

Vagalatiya 3:19

Idito, Mlayo wu thumile txani kani? Wu ningilwe msana ka mbimo ngu mhaka ya wuhambunyeti, kuza kuhumelela lixaka li, txithembiso txi nga mahelwa lona. Mlayo wu tisilwe ngu tingelozi manzani ka mtshanganisi.

1 Pedro 4:18

Ngako mlulami ti mkaratelako kuhuluka, nji txani txi nota humelela ka wu i ku m'bihi, ni wu i ku muonhi kani?

Varoma 5:20

Mlayo wu tile kasi kuonha ku txi anda; aniko, ahawa kuonha ku nga anda kona, kateko yi andile ngu kupindisa;

Vagalatiya 5:23

kuthutha, kutipimela; kha wu nga ho mlayo wu wu tsimbisako siya.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Varoma 6:14

Se txionho kha txi na mbi va ni mtamo txitimwi kwanu, nguko anu kha mi nga hahatshi ka mlayo, aniko mi hahatshi ka kateko.

Varoma 1:30

mbaruketeli, mbalala va Txizimu, vakanyisi va kutikulisa, va kutithemba, vasiki va to biha, vaeyisi va vaveleki vawe, mabhemba;

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Varoma 4:13

Kunene, i ti si nga mhaka ya Mlayo, txithembiso txi txi nga mahwa ka Abrahamu ni liveleko lakwe ti to a na maha m'dyi wa thomba ya mafu, aniko txi mahilwe ngu mhaka ya kululama ka kukholwa.

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Ezekhiyele 21:25

Awe mthangeliwe wa muonhi wa ka Israyeli, awe u no hokelwa ngu ditshiku do biha ngutu;

Jeremiya 23:11

“Nguko votshe vaprofeti ni vaphaxeli kha va sawuleka, hambi nyumbani kwangu ni mani wubihi wawe, kuwomba Mkoma!

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Mavingu 28:24

Awule a pako sa tate mwendo sa mame wakwe, se a txi khene: Hi nga ta walo, mngana wa wule a hasamulako.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

2 Vafumeli 19:37

Mbimo yile a nga ti namile nyumbani ka txizimu txakwe Nisiroke, vanana va kona i ku Adrameleki ni Saresari, va to m'daya ngu ditxhari; hambi keto, va to thavela ditikoni ka Ararati; se mwanana wa kona Esari-Hadhomi, a to fuma ka wukhalo wakwe.

2 Samuwele 16:11

Dhavhidha a to khene kambe ka Abhixayi ni ka sotshe sithumi sakwe: Wona, hambi mwanana wangu wo huma ndani kwangu, a lava ku ni daya, se a na lambisa kutxani ku ni daya mwanana wa ka Bhenjamini kani? Mlekeni e ni ruketela, nguko ngu toneto a nga gelwa ngu Mkoma.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Levhi 20:9

Awule a vengelako tate wakwe mwendo mame wakwe, ngu ditshuri a na tsayiswa ngu kufa. Nguko a nyenya tate wakwe mwendo mame wakwe, se a fanete kudawa; mnoha wakwe wu na wela txitimwi kwakwe.

Eksodha 21:14

Ngako m'thu a txi daya mmwani khakwenye, hambi nga ti a di ha digandeloni kwangu, u na mñola u txi mruruvisa u txi ya m'daya nene.

Eksodha 20:13

U nga daye.

1 Pedro 2:7

Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

Vahebheru 12:16

Ku nga ve ni wammweyo wa wugango mwendo awu a nyenyezisako sa kusawuleka nga Esawu, awu a nga xavisa wutiwula wakwe ngu mbiya ya sakudya.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Vagalatiya 5:18

Aniko ngako mi txi tumela kutsimbitiswa ngu Moya, eho se kha mi fumwi ngu Mlayo.

1 Timoti 4:7

Kambe nyenya mabhulo o hambana ni likholo i ku sihunga tiso sa sikosana. Ti tolovete wukhongeli.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

2 Timoti 2:16

Hambana ni mabhulo awalo, o mbi na wukhongeli, nguko ava va ma dhundako, va na ya masoni ngu kunyenya Txizimu,

2 Timoti 3:2

Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

Titosi 1:6

Didhota dimwani ni dimwani, kulaveka di si nga ni txisolo, adi i ku mwamna wa msikati mmweyo, adiya di ku ni vanana vo kholwa, avava ni mmweyo asi sikotiko ku va sola ka mhaka ya mahanyelo o biha mwendo o kanyisa.

Titosi 1:10

Nguko vaho vakanyisi vavangi, vanyamuwombe ni vaxengeteli, ngutu-ngutu ka mtxawa wa vawukwera,

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”