1 Timoti 1:4 - Bhiblia Yo Sawuleka

⁴ va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

1 Timoti 1:4 Referans Kwoze

Titosi 3:9

Hambana ni timhaka ta kukanetisana ka wupumbu, ni kulondetela txhatxhameto ya sibongo, u txi hambana ni mazunga, ni kukanetisana ngu mlayo, nguko eto kha ti vhuni txilo, kha ti na lisima.

Titosi 1:14

va si ti ningeteli amu ka mabhulo a Vajudha, mwendo ka sileleto sa vathu vo hambana ni ditshuri.

1 Timoti 4:7

Kambe nyenya mabhulo o hambana ni likholo i ku sihunga tiso sa sikosana. Ti tolovete wukhongeli.

2 Timoti 4:4

Vona va na hambukisa tinzeve tawe ka ditshuri, se va na rendekela mabhulo awalo.

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

2 Timoti 2:14

Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Vaefesu 3:2

ngako mi di ti engisile va txi womba-womba ngu kateko yi, Txizimu txi nga ni ninga ngu kota yanu, kasi kumaha mthumo wa makungo a txona.

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.