1 Timoti 1:17 - Bhiblia Yo Sawuleka

¹⁷ Kwakwe Mkoma wa totshe timbimo, Txizimu txo mbi na kufa, txo mbi wonwa ngu maso, ka txona Txizimu txa tximwetxo dwe, kudhumiswa ni kupfaliswa si nave ka txona ngu malembe ni malembe. Amen.

1 Timoti 1:17 Referans Kwoze

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Vakolosa 1:15

Kristu i Txifaniso txa Txizimu txi txi si wonwiko, Matiwula a sotshe sivangwa,

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Varoma 1:23

Se va phindute wudhumo wa Txizimu txi, txi si fiko, ve wu maha wa sithombe sa m'thu wu a fako, ni wa sinyana, ni wa sihari sa mune wa minenge, ni wa so tsimbila ngu dibindi.

Masalmo 45:6

Txikhalo txako txa wukoma txi fanana ni txikhalo txa Txizimu txi txi hanyako kala kupinduka, wukoma wako wu na va mfumo wa kululama.

Mtuletelo 19:6

Msana keto, ni to engisa txo nga diguwa da dibutho da hombe, do fana ni diguwa da mati o tala, ni kudhinda ka singwalangwanda sa hombe, va txi kha vona: “Haleluya! Nguko Mkoma Txizimu txathu txa mtamo wotshe se ngu txona txi fumako.

1 Johani 4:12

A walo wu a nga wona Txizimu ni ditshiku ni da dimwedo, aniko, ngako hi txi randana, Txizimu txi zumba ni nathu, se lirando la txona li hetisekile kwathu.

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Masalmo 90:2

Na ku sinzi kuhumelela mimango, ku sinzi kumaheka mafu ni ditiko dotshe, kukhukhela ka kale, kala kupinduka, awe u Txizimu!

Masalmo 10:16

Mkoma wa fuma kala kupinduka; mahedheni ma na humiswe ditikoni kwakwe.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Mtuletelo 7:12

“Amen, wudhumo, kupfaliswa, wuzivi, kubongwa, kuxoniphwa, Kufuma ni mtamo si lumba Txizimu yotshe mbimo. Amen.”

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

1 Pedro 5:11

Ka txona kupfaliswa ni mtamo kala kupinduka! Amen.

Vahebheru 11:27

Ngu likholo, a humile Egipta, asi thavi kuhenyelwa ngu mfumeli. Se ene a to tsana e lamba nga wo wona awule asi wonekiko.

Varoma 16:27

Ka Txizimu i ku txona txokha txo txhariha, ku na mahwe sidhumiso ngu Jesu Kristu, ngu malembe ni malembe. Amen!

Varoma 11:36

Nguko sotshe si ta ngu kwakwe, sotshe si ho ngu mtamo wakwe, sotshe si konama ene. Wudhumo wu nave kwakwe kala kupinduka. Amen!

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Masalmo 106:48

A na bongwe Mkoma Txizimu txa Israyeli, konkuwa ni yotshe mbimo! Votshe vathu va na wombe va txi kha vona: “Amen!” Dhumisani Mkoma!

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Masalmo 41:13

A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

Johani 5:44

Mi nga kholwisa kutxani, anu mi dhumisanako ngu txanu, mi si laviko wudhumo wu wu tako ngu ka Txizimu txi i ku tximwetxo dwe.

Varoma 2:10

Kambe wudhumo ni txithavo ni kudikha si na va txitimwi ka wuhi ni wuhi a mahako wunene, ka Mujudha kukhata ni ka Mugriki nene;

Vahebheru 2:7

U mmahile wu a ku hahatshi ka tingelozi mbimonyana ya yidotho; u mningile wudhumo ni kupfaliswa, si va m'bhoti wa ha msungo kwakwe.