1 Timoti 1:16 - Bhiblia Yo Sawuleka

¹⁶ A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

1 Timoti 1:16 Referans Kwoze

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Vaefesu 2:7

kasi kukombisa ka timbimo ti titako makatekwa a txona a hombe, ngu wunene wu txi nga va nawo ni nathu ngu ka Kristu Jesu.

Luka 7:47

Ngu mhaka ya toneto, na kugela ku khani: A divaletwe sionho sakwe sasingi, nguko a kombile lirando la hombe ngutu. Aniko awule a nga divalelwa sa sidotho, wo va ni lirando la lidotho.”

2 Pedro 3:15

Pimani ti to kuhonisela ka Mkoma wathu ngu kona kuhanyiswa kwanu! Ngu toneto, nene mwanathu wo randeka, Paulo, a mi bhalete ngu yona nzila yiya, madingano ni wuzivi wu a nga ningwa.

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Johani 3:36

Awu a kholwako ka Mwanana, a ni wutomi wo mbi guma. Awu asi engisiko Mwanana, kha na mbi wona wutomi, aniko kuhenya ka Txizimu ku txitimwi kwakwe.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Mithumo 13:39

Se kululama ko hetiseka, akuwa mi nga mbi sikota kuningwa ngu Mlayo wa Mosi, wuhi ni wuhi a kholwako wa kumana ngu Jesu.

Johani 6:54

Awu a dyako mmidi wangu ni kusela mnoha wangu, ana ni wutomi wo mbi guma, se ani ni na mu wusa ka ditshiku da magwito.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Vaefesu 1:12

kasi ku hi txi kulisa wudhumo wa txona, ni kupfaliswa ka txona athu hi nga txi verela Kristu ngu kale.

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

Johani 6:37

Votshe va ni nga ningwa ngu Tate, va nata kwangu, se awu a tako kwangu, kha ni na mbi mu tshotsha hahanze.

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Luka 23:43

Ene a mu xamute a txi khene: “Kha ditshuri na kugela tito: Nyamsi, u na va kumweko ni nani Paradhiseni.”

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

Mitengo 23:3

Sekoko Bhalahamu a to khene ka Bhalake: Ema kona hafuhi hawa ka mphaxo kwako wo hiswa ani ni na tshuketa didhawa; mwendo Mkoma a nata woneka kwangu; se ni nata kugela ti a no ni leleta tona. Sekoko a to kwela ka wukhalo wo guleka.

Eksodha 34:8

Se koneko Mosi a to kuluveta a txi ti wisa hahatshi e khozela,

1 Vakorinto 7:25

Ka vale va sinziko kuteka mwendo kutekwa, kha ni nga ni txileleto txa didhawa da Mkoma, aniko na veka mawonelo angu, kota nga wu a nga mana wumbilu ka Mkoma, kasi e va i di wo thembeka.