1 Timoti 1:15 - Bhiblia Yo Sawuleka

¹⁵ Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.

1 Timoti 1:15 Referans Kwoze

Marku 2:17

Jesu ngako a txi tipfa eto, a to khene kwawe: “Ava va hanyako kha va lavi ñanga, aniko yi lawa ngu va va lwalako. Ani kha na tela ku ta dhana va vo lulama, aniko ni tete vona vaonhi.”

Luka 19:10

Nguko kunene Mwanana wa M'thu a tete ku ta lava ni kuhanyisa ava va nga ti mwalate.”

Johani 12:47

Ngako m'thu a di engisile mapswi angu, asi ma veketi, hi nga ani ni mu abanisako, nguko kha na tela ku ta abanisa mafu, aniko ni tete ku ta hanyisa mafu.

Johani 1:12

Aniko votshe va va nga mu amukela, ava va nga tumela ka ditina dakwe, a va ningile mtamo wa kumaha vanana va Txizimu.

Luka 5:32

Ani kha na tela ku ta dhana ava vo lulama, aniko ni tete ku ta dhana vaonhi kuhundulukani.”

1 Johani 3:5

Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

1 Vakorinto 15:9

Nguko ani ni m'dotho ka votshe vapostoli; kha ni fanekelwi ngu kudhanwa ngu ditina da mpostoli, nguko ni xanisile dibanza da Txizimu.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

1 Timoti 4:9

Dipswi diya di tsani, kambe di ni fanelo ya kuamukeleka ka votshe.

Varoma 5:6

Nguko mbimo yi hi nga ti sinzi kutsana, Kristu a fete vabihi ngu txikhati txiya txi nga ti vekilwe ngu Txizimu.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

1 Timoti 3:1

Di thembekile dipswi diya di ku: Awu a navelako kuva mthangeli wa dibanza, a navela mthumo wa wunene.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Mtuletelo 22:6

Se Ngelozi yi to ni gela, yi txi kha yona: “Mapswi yawa ngo thembeka ni a ditshuri, nguko Mkoma, Txizimu txi ningako moya wa txona ka vaprofeti, txi rumete ngelozi ya txona kasi kukomba sithumi sa txona ati ti no maheka ngu kukuluveta.”

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

2 Timoti 2:11

Di thembekile dipswi di di ku kha dona: “Ngako hi txi fa kumweko nayo, hi na wuka kumweko nayo kambe;

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Johani 3:36

Awu a kholwako ka Mwanana, a ni wutomi wo mbi guma. Awu asi engisiko Mwanana, kha na mbi wona wutomi, aniko kuhenya ka Txizimu ku txitimwi kwakwe.

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

1 Johani 5:11

Se wufakazi wa kona ngu wuwa: Txizimu txi hi ningile wutomi wo mbi guma, wutomi wuwa wu ka Mwanana wa txona.

1 Timoti 1:19

na u di ni likholo ni livhalo la linene, nguko vamwani, ngu kunyenya livhalo la linene, likholo lawe li onhekile.

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 11:1

Kambe vapostoli ni vanawe, ava va nga aka ditikoni ka Judheya va ti engisile ti to vamatiko ni vona va amukete dipswi da Txizimu.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Luka 15:2

Aniko Vafarisi ni Vabhali va ti ti ngungurukela va txi kha vona: “Mamowa wa amukela vawomhi, a txi dya navo.”

Varoma 11:14

kufela ku mwendo vathu va lixaka la ka kwathu va na navela, kasi ni txi sikota kuhanyisa vamwani vokari hagari kwawe.

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

Matewu 18:11

[Nguko Mwanana wa M'thu a tete ku ta hanyisa asi si nga ti mwalate.]