1 Timoti 1:12 - Bhiblia Yo Sawuleka

¹² Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

1 Timoti 1:12 Referans Kwoze

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Vakolosa 1:25

Ni ti mahile mthumeli wa dona ngu kurumwa ngu Txizimu, txi nga ni ninga mthumo wuwa ngu mhaka yanu, mthumo wa kutxhumayela Dipswi da Txizimu;

Vafilipiya 2:11

se totshe tidimi ti fanela kuhuwelela ti to Jesu Kristu ngene i ku Mkoma kasi ku na dhumiswa Txizimu Tate.

2 Vakorinto 4:1

Ngu toneto, aku hi ku ni mthumo wu hi nga ningwa ngu wumbilu wa Txizimu, kha hi gumi mtamo.

1 Vakorinto 7:25

Ka vale va sinziko kuteka mwendo kutekwa, kha ni nga ni txileleto txa didhawa da Mkoma, aniko na veka mawonelo angu, kota nga wu a nga mana wumbilu ka Mkoma, kasi e va i di wo thembeka.

Mithumo 9:22

Aniko Sawule a ti engetelwa mtamo e vhala sisofu sa Vajudha va Dhamasku ngu ku va kombisa ti to Jesu kunene ngene Mesiya.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

1 Vakorinto 3:5

Hi ngani ni gela: I mani Apolosi kani? I mani Paulo kani? Vona nzithumi dwe, asi mi nga amukeliswa ngu sona likholo, na ti txi tsimbila ngu hawa mmwani ni mmwani a nga ningiswa tona ngu Mkoma.

Vagalatiya 3:26

Nguko anu motshe mi vanana va Txizimu ngu kukholwa ka Kristu Jesu.

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

1 Timoti 1:1

Ani Paulo, mpostoli wa Jesu Kristu ngu kurumwa ngu Txizimu Muhanyisi wathu, ni kurumwa ngu Jesu Kristu, txithembo txathu:

1 Timoti 1:2

Ni bhalela Timoti, mwanana wangu wa ditshuri ngu mu ka likholo: Kateko ni wumbilu ni kudikha, si txi ta ngu ka Txizimu Tate ni ka Kristu Jesu Mkoma wathu.

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

2 Timoti 2:2

Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.

Titosi 1:4

ni bhalela Titosi, mwanana wangu wa ditshuri ngu mu ka likholo, li i ku la hotshethu, ni khani: Na ku navelela kateko ni kudikha, asi si tako ngu ka Txizimu ni ka Jesu Kristu Muhanyisi wathu.

Filimoni 1:9

ni randa kumaha ngu ku kukombela ngu lirando. Ani Paulo, wo kumba nga tiya, na kambe ni di ku khotelwani konkuwa ngu mhaka ya lirando la Jesu Kristu,

Matewu 20:4

Se a to khene kwawe: ‘Tsulani na nanu thembweni kwangu ka mivhinya, ni na mi ninga muholo wu wu fanelako. Nivona va to tsula’