1 Timoti 1:1 - Bhiblia Yo Sawuleka

¹ Ani Paulo, mpostoli wa Jesu Kristu ngu kurumwa ngu Txizimu Muhanyisi wathu, ni kurumwa ngu Jesu Kristu, txithembo txathu:

1 Timoti 1:1 Referans Kwoze

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,

Vakolosa 1:27

Ka vonavo, Txizimu txi ti lavile kuvaninga kuziva lisima la thomba ni wudhumo wa txona txikungo txiya hagari ka vamatiko: Kristu hagari kwanu i txithembo txa kupfaliswa kwanu.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Judha 1:25

ka txona txokha i ku Txizimu ni Muhanyisi wathu, txi nga hi hulukisa ngu Mkoma Wathu Jesu Kristu, wudhumo, wuhombe, mtamo ni kufuma, si nave ka txona kukhukhela ka totshe timbimo ti ti nga pinda, ni konkuwa, ni ka malembe ni malembe. Amen.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Vagalatiya 1:1

Ani Paulo, ni ku mpostoli, i si nga wa kusawulwa ngu vathu mwendo wa kurumwa ngu m'thu, aniko ni ku wa kurumwa ngu Jesu Kristu ni Txizimu Tate, atxi txi nga mu wusa ngu ka vakufa,

2 Vakorinto 1:1

Ani Paulo, Mpostoli wa Jesu Kristu, ngu kuranda ka Txizimu, kumweko ni mwanathu Timoti, ha losa Dibanza da Txizimu di di ku Korinto, ni votshe vasawuleki va manekako ditikoni kotshe ka Akaya.

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

1 Timoti 2:7

i ku yona mhaka yiya ani ni nga mahwa m'gondisi ni mpostoli wa yona ni womba ditshuri, kha ni hembi, ani ni m'gondisi wa vamatiko amu ka likholo ni mu ka ditshuri.

2 Vatesalonika 2:16

Mkoma wathu Jesu Kristu, ngu wutumbu wakwe, ni Txizimu Tate wathu, txi nga hi randa, txi txi hi ninga, ngu kateko ya txona, thavelelo yo mbina magwito, ni txithembo txa txinene,

1 Vakorinto 1:1

Paulo, awu a nga sawulwa ngu kuranda ka Txizimu, ti to e maha Mpostoli wa Jesu Kristu, ni mwanathu Sostene,

1 Johani 4:14

Se athu hi ti woni, kambe ha fakaza ti to Tate a rumete Mwanana wakwe ku ta maha Muhanyisi wa ditiko.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Titosi 3:6

awu txona Txizimu txi nga wu thela ngu kuenela txitimwi kwathu ngu Jesu Kristu Muhanyisi wathu;

Titosi 3:4

Kambe mbimo yi wunene ni lirando la Txizimu Muhanyisi wathu si nga ti wonekisa ka vathu, txona Txizimu txi hi ponisile,

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Titosi 2:10

si si thuki si pa, aniko, si na mahe mithumo yi yi kombako kuthembeka ka kuhetiseka, si ninga lisima, ngu mahanyelo oneyo, ka gondo ya Txizimu, Muhanyisi wathu.

1 Timoti 4:10

Nguko txivangelo txa kuthuma kwathu ni kulwa kwathu ngu ti to hi vekile kuthemba kwathu ka Txizimu txi txi hanyako, atxi i ku Muhanyisi wa votshe vathu, ngutu-ngutu avale va ku ni likholo.

1 Timoti 2:3

Atiya ndinene, kambe ta tsakisa masoni ka Txizimu, Muhanyisi wathu,

Vagalatiya 1:11

Na mi zivisa, vanathu, ti to Evhangeli yi yi nga txhumayelwa ngu ngani, hi nga ya kuhuma ngu ka vathu.

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Isaya 45:15

Ngu ditshuri awe u Txizimu txi txi ti sisako, Txizimu txa ka Israyeli, M'hanyisi.

1 Vakorinto 9:17

Idiku no thuma tiya ngu kuranda kwangu, ni ndi na fanekelwa ngu kudihelwa; kambe, ngako i si nga ta ku ti maha ngu kuranda kwangu, i mrwalo ni nga sikelwa.

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Luka 1:47

ni moya wangu wu tsakela Txizimu, Muhanyisi wangu,

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

Isaya 60:16

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani Mkoma, Muhanyisi wako, Mtiruli wako, ni nyamitamo wa va ka Jakobe.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 43:11

Ani, ani ngani Mkoma, se hahanze kwangu, kha ku nga ni M'hanyisi.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 106:21

Va divate Txizimu, Muhanyisi wawe, atxi txi nga va mahela sixamaliso ditikoni ka Egipta.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.