1 Samuwele 9:9 - Bhiblia Yo Sawuleka

⁹ (Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)

1 Samuwele 9:9 Referans Kwoze

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

Amosi 7:12

Msana keto, Amaziya a to gela Amosi a txi khene: Tsula awe m'huti, thava u ya ditikoni ka Judha, aniya u na yadya dipawu, aniya u na ya profeta.

1 Makronika 29:29

Mithumo koko ya mfumeli Dhavhidha, yo khata hambi yo gwita, yi bhatwe ka matimu a Samuwele, m'huti, ni ka matimu a mprofeti Nathani, ni ka matimu a Gadhi, m'huti,

1 Makronika 26:28

ni sotshe sile si nga sawulekiswa ngu Samuwele, m'huti, ni Sawule, mwana Kisi, ni Abhineri, mwana Neri, ni Jowabhi, mwana Zeruiya; sotshe sile si ti ti maneka manzani ka Selomite ni vanawe.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

2 Samuwele 24:11

A di wukile koko Dhavhidha ni mixo, dipswi da Mkoma di to ta ka mprofeti Gadhi, m'huti wa Dhavhidha di txi ta kha dona:

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Genesisi 25:22

Se vanana va ti ti lwa mndani kwakwe; sekoko a to khene: “Ngako i di tona tiya, ni ngava ni txi hanyela txani kani?” Konako a to ya wotisa ka Mkoma;

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

2 Makronika 16:7

Ngu mbimo yoneyo Hanani m'huti a to ta ka Asa mfumeli wa va ka Judha e ta womba a txi khene: U themba mfumeli wa Siriya, khu thembi Mkoma Txizimu txako, ngu toneto mabutho a mfumeli wa Siriya ma hulukile mawokoni kwako.

1 Makronika 9:22

Votshe vava, va to sawulwa kasi kuva vawoneleli va sike, votshe i ti 212; se ngu vona vava va nga vekwa ngu tiveleko tawe, madingano ni sidhoropana sa kona, kambe Dhavhidha, ni Samuwele, m'huti, va to va veka ka mithumo yawe.

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

1 Samuwele 9:10

Sekoko Sawule a to khene ka dihaja dakwe: U womba tona; ngono koko, ahi tsule. Se va to tsula didhoropani mule ku nga ti ni m'thu wa Txizimu.

1 Makronika 21:9

A to womba koko Mkoma ka Gadhi, m'huti wa Dhavhidha, a txi khene:

Valamuli 18:5

Sekoko va to m'gela va txi kha vona: “Ti di ngeto, wotisa ka Txizimu, kasi ku hi ziva ti to mwendo nzila yi hi yi tekako, yi na hi bhindulela.”

1 Vakorinto 12:17

Idiku mmidi wotshe wo va i di diso dwe, hi ndi na engisisa kutxani, kani? Idiku wotshe mmidi wo va i di nzeve dwe, kupfa ka thonvu ku ndi nava ku di hayi kani?