1 Samuwele 9:3 - Bhiblia Yo Sawuleka

³ Se timbongola ta Kisi, tate wa Sawule ti to mwalala; ngu kumaha keto, Kisi a to khene ka mwanakwe Sawule: “Teka mmweyo ka majaha, u khukha u ya lava timbongola.”

1 Samuwele 9:3 Referans Kwoze

1 Samuwele 10:2

Nyamsi mbimo yi hi no hambana, u na mana vavamna vambidi hafuhi ni dithitha da Rakeli, ngu mhinganoni ka Bhenjamini, kona Zeliza; avale va no kha vona kwako: Timbongola tile u nga tsimbila u ti lava, ti manekile, wona taku tate wako a lekile kuvilela timbongola aniko a vilela anu, a txi khene: “Ni na maha txani ngu mwanana wangu kani?”

Valamuli 10:4

Kambe a ti ti ni magumi mararu a vanana, avale va nga txi gadha timbongola ta magumi mararu; se va ti ti ni magumi mararu a madhoropa, aale ma dhanwako ku i Havhote-Jayiri, kala ka ditshiku da nyamsi; aale ma ku ditikoni ka Gileyadhi.

Valamuli 5:10

Anu mi gadhako timbongola to basa, anu mi khalahatshako ha matahoni, ni nanu mi tsimbilako ngu tinzila, embelelani!

1 Samuwele 9:2

Wamwamna wuwa a ti ni mwanana wa mfana, ditina dakwe i ti Sawule, mfana wo tshura ngutu, wu hagari ka vanana va ka Israyeli ku nga ti si ngani ni wamwamna wo tshura ngutu kupinda ene, kukhukhela makatani kuya txitimwi a ti pinda votshe vathu.

1 Samuwele 9:4

Ngu kumaha keto, va to khukha koko ve pinda ngu mmangoni ka Efrayime, se ngu hale va to pinda ngu ditikoni ka Salisa, aniko kha va ti mana; msana keto, va to pinda ngu ditikoni ka Sahalimi, ni kona ti si ngaho; va to pinda kambe ngu ditikoni ka Bhenjamini, eyo ni kona kha va ti mana.

1 Samuwele 9:20

Se timbongola tile ti nga mwalala mndani ka masiku mararu, u nga karateke ngu tona mbiluni kwako, nguko ti manekile. Se kuvilela kotshe ka va ka Israyeli nga mani, kani? Ina hi nga kwako ni ka yotshe nyumba ya tate wako, kani?

1 Samuwele 10:14

Se tatanyani wa Sawule a to khene kwakwe ni ka dijaha dakwe: Mi ti hani kani? Se ene a to khene: Hi ti tsimbite hi lava timbongola, kambe mbimo yi hi nga wona to ha tipwata hi tota ka Samuwele.