1 Samuwele 9:2 - Bhiblia Yo Sawuleka

² Wamwamna wuwa a ti ni mwanana wa mfana, ditina dakwe i ti Sawule, mfana wo tshura ngutu, wu hagari ka vanana va ka Israyeli ku nga ti si ngani ni wamwamna wo tshura ngutu kupinda ene, kukhukhela makatani kuya txitimwi a ti pinda votshe vathu.

1 Samuwele 9:2 Referans Kwoze

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mitengo 13:33

Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

1 Samuwele 17:4

Sekoko ku to huma wamwamna wa ndena ngu digoveloni ka Vafilista, wule ditina dakwe i nga ti ti Goliya, wa Gati, a nga ti ni mtxhanu wa mikono ni wumwewo kulapha ni dianza dimwedo.

1 Samuwele 9:3

Se timbongola ta Kisi, tate wa Sawule ti to mwalala; ngu kumaha keto, Kisi a to khene ka mwanakwe Sawule: “Teka mmweyo ka majaha, u khukha u ya lava timbongola.”

1 Samuwele 10:21

Se adi tshuketisile lihunzu la ka Bhenjamini ngu mimwaya ya lona, ku to sawulwa mwaya wa Matiri; se ka wona ku to sawulwa Sawule, mwana Kisi; ve mlava kambe kha va mmana.

1 Makronika 8:33

Se Neri a to veleka Kisi, Kisi a to veleka Sawule; kambe Sawule a to veleka Jonatani, ni Malikisuwa, ni Abhinadhabhi, ni Esibhahali.