1 Samuwele 8:5 - Bhiblia Yo Sawuleka

⁵ se va txi kha vona kwakwe: Wona taku se u kumbile, kambe vanana vako kha va tsimbile ngu tinzila tako; hi emisele mfumeli koko, konkuwa, kasiku ene a na hi lamula, kufana ni kule otshe matiko ma ku ni vafumeli.

1 Samuwele 8:5 Referans Kwoze

Mithumo 13:21

Msana keto, va to kombela mfumeli; se Txizimu txi va ninga Sawule, mwana Kixi, wa lihunzu la Bhenjamini, awu a nga fuma mune wa magumi a malembe.

1 Samuwele 12:17

Ina hi nga dona ditshiku do hula fulaho nyamsi kani? Ni na dila koko ka Mkoma, se ene a na rumela txingwalangwanda, ni kunisa mati; se mi na ziva ni ku ti wona taku wubihi wanu, awule mi nga wu maha masoni ka Mkoma mbwa hombe, wa ku ti kombelela mfumeli.

Mitengo 23:9

Nguko na mmona ni di txitimwi ka marigwi, ni wonisisa ni di mmangoni, ni wona vathu va nga zumba ngu didhawa. Ava va si ti fananisiko ni vamwani vathu, va mamwani matiko.

1 Samuwele 9:20

Se timbongola tile ti nga mwalala mndani ka masiku mararu, u nga karateke ngu tona mbiluni kwako, nguko ti manekile. Se kuvilela kotshe ka va ka Israyeli nga mani, kani? Ina hi nga kwako ni ka yotshe nyumba ya tate wako, kani?

1 Samuwele 12:2

Konkuwa, koko, wonani mfumeli wu a no mi thangela; se ani ni kumbile, ni ni wunvi, kambe vanana vangu va ni nanu; se ani ni mi tsimbitisile kukhukhela u wananani kwangu kala ka ditshiku da nyamsi.

1 Samuwele 12:13

Konkuwa koko, wonani mfumeli wu mi nga ti sawulela, awule mi nga mkombela; kambe wonani taku Mkoma a vekile mfumeli txitimwi kwanu.

Valamuli 8:22

Sekoko vavamna va ka Israyeli va to womba ka Gidhiyoni, va txi kha vona: “Hi fumele awe, ni mwanako ni mtukulu wako, nguko u hi hulukisile manzani ka Vamidhiyani.”

1 Samuwele 10:19

Aniko anu nyamsi mi lambile Txizimu txanu, txi txi nga mi hulukisa ka yotshe mithumo yanu yo biha, mi txi khanu ka txona: Veka mfumeli txitimwi kwathu. Konkuwa koko ti vekeni masoni ka Mkoma ngu tihunzu tanu ni ngu timwaya tanu.