1 Samuwele 8:11 - Bhiblia Yo Sawuleka

¹¹ a txi khene: Txihena txa mfumeli wu a no fuma txitimwi kwanu, ngu txiya: A na teka vanana vanu e va maha va tsimbitisi va sikotxikani sakwe ni kuva vagadhi va mahantxhi akwe, kasiku ve tutuma masoni ka sikotxikani sakwe.

1 Samuwele 8:11 Referans Kwoze

1 Samuwele 14:52

Se ku to maneka yimbi ya hombe yo wukela Vafilista, ka otshe masiku a kuhanya ka Sawule. Ngu kumaha keto, votshe vavamna va tindena ni mtamo, avale Sawule a nga va wona a to va teka ve maha vakwe.

1 Samuwele 10:25

Se Samuwele a to zivisa vathu tifanelo ta mfumo, e bhala amu ka dibhuku, e di veka masoni ka Mkoma. Sekoko Samuwele a to hangalasa votshe vathu, mmwani ni mmwani e tsula m'tini kwakwe.

2 Samuwele 15:1

Se ku to maheka taku, msana keto, Abhisalome a to longisela sikotxikani ni mahantxhi, ni mtxhanu wa magumi a vavamna va va no tutuma masoni kwakwe.

1 Vafumeli 10:26

Kambe Solomoni a to sengeleta sikotxikani sasingi ni vagadhi va mahantxhi; a ti ni 1.400 wa sikotxikani, ni 12.000 wa vagadhi va mahantxhi; e si yisa ka madhoropa a sikotxikani, se simwani si zumba kumweko ni mfumeli Jerusalema.

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

1 Vafumeli 12:10

Se majaha ale ma nga kula nayo ma to m'gela tiya: Xamulisa tiya ka vathu vale va nga ta kugela ku kha vona: Tate wako a nemetisile ngutu dikange dathu, aniko awe di hehukise kwathu; u na va gela tiya: Litiho langu la lidotho li dhimbile ngutu kupinda txiwunu txa tate wangu!

1 Vafumeli 12:4

Tate wako a nemetisile dikange dathu; sekoko awe hehukisa wukarawa wu wo nemela wa tate wako ni dikange dathu di a nga hi khoneka, se athu hi na kuthumela.

1 Vafumeli 1:5

Sekoko, Adhoniya, mwana Hagiti, a to tikulisa, a txi khene: “Ani ni na fuma!” A to longisela txikotxikani, ni vagadhi va mahantxhi, ni mtxhanu wa magumi a vavamna, ava va nga ti tutuma-tutuma masoni kwakwe.

1 Samuwele 8:9

Konkuwa, koko, engisa dipswi dawe, kambe gela vathu vava, ti to i nava txihi txihena txa mfumeli, wu a no fuma txitimwi kwawe.

1 Vafumeli 14:27

Ka wukhalo wa sona, mfumeli Robhowamu a to maha sitxhavangu sa koporo, e si ningela manzani ka vathangeli va yimbi, va nga txi wonelela txike txa nyumba ya mfumeli.

1 Samuwele 22:7

Sekoko Sawule a to khene ka sotshe sithumi sakwe sile si nga ti kumweko nayo: Ni engiseni, na mikombela, anu vanana va ka Bhenjamini, ina mwanana wa Jese a na mininga anu motshenu, tithembwe ni mivhinya, ni ku motshenu e mi maha vathangeli va digumi da mazana ni vathangeli va mazana,