1 Samuwele 7:6 - Bhiblia Yo Sawuleka

⁶ Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

1 Samuwele 7:6 Referans Kwoze

2 Samuwele 14:14

Nguko kha ditshuri hi na fa, hi fana ni mati a makhulungako ha mafuni, ale ma si sengeletananiko kambe. Txizimu koko kha txi thavisi wutomi wa m'thu, kambe kha txi leki kumaha makungo o wuyisa wule a nga tovelwa.

1 Samuwele 1:15

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka Mkoma.

Valamuli 10:10

Sekoko vanana va ka Israyeli va to peka huwa ka Mkoma, va txi kha vona: “Hi kuonhete, nguko hi tshuralete Txizimu txathu, hi thumela va ka Bhahali.”

Joyeli 2:12

Hambi keto, konkuwa, kuwomba Mkoma: Hundulukelani kwangu ngu mbilu yanu yotshe; totshe eto, ngu kutitona, ni kudila, ni huwa.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Masalmo 106:6

Hi onhile kufana ni vakale vathu; hi onhile, hi mahile kubiha.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Luka 15:18

Ni na khukha ni tsula ka tata, ni txi ya mu gela ku khani: Tata, ni onhete nzuma ni masoni kwako.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Ezekhiyele 20:4

Ina u ndi nava lamula awe mwanana wa m'thu, u ndi na va lamula kani? Va zivise manyala a vatate vawe;

Sidilo 3:49

Mirongo yangu yi na thekela wusiku ni mitshikari yi si emi,

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Jeremiya 31:19

Msana ka kuva ni di hundulukile, ni to ti sola; sekoko aha ni nga tiziva wutumbu, ni pekwa nyonga; ni so koyo tingana, ni txi kanganyiseka, nguko ni rwate txisolo txa wuphya wangu.

Masalmo 42:3

Kudila mirongo, ngumba sakudya si ni dyako wusiku ni mitshikari, nguko ditshiku ni ditshiku va ni wotisa va txi kha vona: “Txi hani Txizimu txako kani?”

Masalmo 6:6

Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Jobe 40:4

Wona taku kha ni nga wa txilo, ni na kuxamula txani ani kani? Ni tsiva txisofu txangu ngu dianza dangu.

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

Jobe 16:20

Vangana vangu ngu vona va ni poyilelako; maso angu ma theketa mirongo masoni ka Txizimu.

Nehemiya 9:27

Ngu toneto, u va ningete manzani ka valala vawe ve va xanisa; kambe ka mbimo ya kuxaniseka kwawe, va pekile huwa kwako, awe u to engisa u di nzumani; se ngu mhaka ya wumbilu wako wa hombe, u va ningile vatxhatxhisi, va va nga va txhatxhisa manzani ka vaxanisi vawe.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Levhi 26:40

Sekoko va na ti tshanza ngu wubihi wawe, ni wubihi wa vatate vawe, ni wuhambunyeti wawe, asile va nga ni onhela ngu sona; kambe va na womba ku kha vona, ngu mhaka ya kule va nga ni onhela,

Genesisi 31:49

Awu rayilo kambe ditina daku i Misipa, nguko a ti khene: “Mkoma a nave muwoneleli hagari kwangu ni nawe, ngako hi txi hambana mmwani ni mmwani.”

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

1 Samuwele 7:15

Se Samuwele a to lamula Israyeli ka otshe masiku a kuhanya kwakwe.

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Joxuwa 18:26

Misipa, Kafira ni Mosa,

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

Valamuli 10:15

Aniko vanana va ka Israyeli va to kha vona ka Mkoma: Hi onhile! Maha ngu ngathu ati u ti wonako i di tinene masoni kwako; aniko ha kukombela ti to u txi hi hulukisa ka ditshiku da nyamsi.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

1 Samuwele 10:17

Samuwele koko a to ramba vathu ka Mkoma, kona Misipa,

1 Samuwele 12:10

Se va to dila ka Mkoma va txi kha vona: “Hi onhile, nguko hi lekile Mkoma, se hi ya thumela va ka bhahali ni va astarote; konkuwa koko, hi txhatxhise manzani ka valala vathu, hi na kuthumela.”

1 Makronika 11:18

Sekoko vale va vararu, va to dhawula ngu hagari ka wugovelo wa Vafilista, veya reka mati a txisima txa Bhetlehema, txile txi nga ti hafuhi ni txike; ve ta ninga Dhavhidha, aniko Dhavhidha kha ma lava kusela, kambe a to ma theketa masoni ka Mkoma.

Jobe 3:24

Nguko ni sanzi kudya dipawu dangu, kuta kukarateka kwangu; tihuwa tangu ti maha ngu kuthekela nga mati.

Sidilo 5:16

M'bhoti wa ha msungo kwathu wu wite! Se hi na txani, nguko hi onhile!

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.