1 Samuwele 7:4 - Bhiblia Yo Sawuleka

⁴ Sekoko vanana va ka Israyeli va to thavisa sizimu sa va ka bhahali ni sa astarote hagari kwawe, ve thumela Mkoma dwe.

1 Samuwele 7:4 Referans Kwoze

Hoseya 14:8

Efrayime a na khene: Ni ngadi ni txani kambe ani ni sithombe kani? Ani ni khala ku tiengisa, se eto na ti pfisisa; ani ni fana ni mndonga wa faya wa mkungu; ngu kwangu ka manwa mihando yako.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

Valamuli 2:13

Nguko va lekile Mkoma, se ve thumela Bhahali ni Axitaroti.

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

1 Samuwele 7:5

Samuwele a to engeta, a txi khene: Sengeletani votshe va ka Israyeli kona Misipa, aniko na mi kombelela ka Mkoma.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

1 Vafumeli 11:5

nguko Solomoni a to tsimbila ngu nzila ya Axitaroti, txizimu txa txisikati txa Vasidhoni, ni kulondeta Milkomi, txinyenyeko txa Vaamoni.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.