1 Samuwele 7:3 - Bhiblia Yo Sawuleka

³ Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

1 Samuwele 7:3 Referans Kwoze

Luka 4:8

Jesu a mu xamute a txi khene: Khukha Sathani! “Ti bhatwe ti taku: ‘U na khozela Mkoma Txizimu txako, u txi thumela txona, dwe.’ ”

Dhewuteronome 13:4

Mi na londisa Mkoma, Txizimu txanu, mi txi mthava, mi vekisa sirumo sakwe, mi txi engisa dipswi dakwe, mi txi thumela ene, mi namarela kwakwe.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Joxuwa 24:14

“Ngu mhaka yeto, thavani Mkoma, mi txi mkhozela ngu kuhetiseka, ni kuthembeka, tshotshani hahanze sizimu sa vatate vanu, va nga si khozela va di mtxhatuko ka mnambo wa Jordhani, ni niya Egipta, kambe khozelani Mkoma.

Joxuwa 24:23

Konkuwa, tshotshani hahanze sizimu sa walo, asi si ku hagari kwanu, mi ti namisa ngu yotshe mbilu yanu masoni ka Mkoma, Txizimu txa ka Israyeli.”

Johani 4:24

Txizimu i Moya, se vakhozeli va txona va fanela ku txi khozela ngu Moya ni ditshuri.”

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

1 Vafumeli 8:48

se va txi hundulukela kwako ngu yotshe mbilu yawe ni wotshe muhefemulo wawe, ditikoni ka valala vawe vale va nga va yisa wukhumbini, ve kombela kwako ngu didhawa da ditiko di u nga ninga vatate vawe, ka didhoropa di u ngadi sawula, ni ka nyumba yi ni nga akela ditina nako;

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Matewu 15:8

‘Avava vathu va ni dhumisa ngu sisofu sawe; aniko mbilu yawe yi kule ni nani.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Mavingu 16:1

Kulongisela kuhuma mbiluni ka m'thu, aniko xamulo yita ngu txisofuni ka Mkoma.

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

2 Makronika 30:19

va longiselako timbilu tawe kasi kuve lava Mkoma Txizimu, Txizimu txa vatate vawe, hambi ku va sinziko ku ti sawulekisa.

Valamuli 2:13

Nguko va lekile Mkoma, se ve thumela Bhahali ni Axitaroti.

1 Samuwele 31:10

Se va to veka matxhari akwe dithepeleni kona Axitarote, kambe txirumbi txakwe va to ya txigogotela ka diguma da Bheti-Seyani.

Joxuwa 13:31

Hafu ya Gileyadhi, ni Asterote, ni Edreyi, madhoropa a mfumo Oge wa Bhasani, ma ningetwe ka vanana va ka Makira, mwana Manasi, a ti ti wombwako ku ma ningetwe ka hafu ya vanana va ka Makira, madingano ni timwaya tawe.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Jeremiya 36:3

Mwendo va ka Judha va na engisa kubiha kotshe ku ni xuvako ku va mahela; ati taku mmweyo ni mmweyo a txi hunduluka nzilani kwakwe ko biha, ni txi tsetselela wubihi wakwe ni txionho txakwe.

Ezekhiyele 14:6

Ngu kumaha keto, womba ka nyumba ya ka Israyeli u txi khawe: Mkoma Txizimu a khene: Hundulukani, mi txi leka sithombe sanu, tshemberisani tikhohe tanu mi si woneteli manyala anu.

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

2 Vafumeli 17:39

Aniko mi na thava Mkoma, Txizimu txanu, se ene a na mi hulukisa manzani ka votshe valala vanu.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.

2 Makronika 20:33

Hambi keto, makhalo o guleka kha ma thaviswa, nguko vathu va si nze kulongisela timbilu kasi kukota kutshangana ni Txizimu txa vatate vawe.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.