Se ene a ti ti ni mune wa magumi a vanana va vafana, ni magumi mararu a vatukulu, va nga ti gadha mtxhanu wa magumi ni mambidi a timbongola; se a to lamula Israyeli, amu ka mtxhanu wa malembe ni mararu.
Kambe a ti ti ni magumi mararu a vanana, avale va nga txi gadha timbongola ta magumi mararu; se va ti ti ni magumi mararu a madhoropa, aale ma dhanwako ku i Havhote-Jayiri, kala ka ditshiku da nyamsi; aale ma ku ditikoni ka Gileyadhi.
Mkoma a wombile kambe ka Joxuwa a txi khene: “Nyamsi ni thavisile kwanu tingana ta Egipta.” Ngu toneto, wukhalo wule, wu dhanwa ku i Giligali, kala ka ditshiku da nyamsi.
Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.
Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.
Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.