1 Samuwele 7:10 - Bhiblia Yo Sawuleka

¹⁰ Se ku to maheka taku, ngako Samuwele a txi ngadi e maha mningelo wa kuhiswa, Vafilista va to bwaka ve ta lwa ni va ka Israyeli; se ka ditshiku dile, Mkoma a to dhinda ngu kudhinda ka hombe txitimwi ka Vafilista, e va vhinganyisa ha koza ve xulwa masoni ka vanana va ka Israyeli.

1 Samuwele 7:10 Referans Kwoze

1 Samuwele 2:10

A va valwako ni Mkoma va na phwaraselwa; a na va dhindela a di nzumani; Mkoma a na lamula magwito a mafu, ni kuninga mtamo ka mfumeli wa ona, kambe a na guleta wukoma wa msawuleki wakwe.

1 Samuwele 12:17

Ina hi nga dona ditshiku do hula fulaho nyamsi kani? Ni na dila koko ka Mkoma, se ene a na rumela txingwalangwanda, ni kunisa mati; se mi na ziva ni ku ti wona taku wubihi wanu, awule mi nga wu maha masoni ka Mkoma mbwa hombe, wa ku ti kombelela mfumeli.

Valamuli 5:20

Tinyeleti ti lwite, txitimwi nzumani, amu tinzilani ka tona ti lwite, ti txi wukela Sisera.

Joxuwa 10:10

Se Mkoma a to va vhinganyisa masoni ka va ka Israyeli, se va ka Israyeli va to va peka va txi va khozisa, hafuhi ka Gibheyoni, va txi va girimusa ngu nzila ya kuya Bheti-Horoni, va txi va khozisa kala kuhoka Azeka ni Makedha.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Valamuli 5:8

Va ka Israyeli va to ti sawulela simwani sizimu sasiphya, se koneko yimbi yi to wulela tinyumbani kwawe. Hagari ka 40.000 wa vavamna va va ka Israyeli, ku ti si nga ho ni wammweyo a nga ti ñote txitxhavangu mwendo ditxhari.

Valamuli 4:15

Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

1 Samuwele 7:11

Se vathu va ka Israyeli va to khukha Misipa, ve londeta Vafilista, ve va dayela an'ze hahatshi ka Bheti-Kari.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

Masalmo 29:3

Dipswi da Mkoma da pfala hagari ka linene; Txizimu txo dhumiseka txa dhindisa nzuma txitimwi ka Linene la hombe!

Masalmo 29:4

Dipswi da Mkoma di ni mtamo, dipswi da Mkoma di tate ngu wuhombe.

Dhewuteronome 28:7

Mkoma a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

Masalmo 18:15

Ku to woneka hahatshi ka linene makhato a mafu ma txi vhunungulwa, mbimo yi di nga pfala dipswi dako do thisa, Mkoma, ni m'hefemulo wa tithonvu tako.

Masalmo 78:66

A khozisile valala vakwe va txi tutuma ve thava; a txi va thela tingana ta yotshe mbimo.