1 Samuwele 6:2 - Bhiblia Yo Sawuleka

² Vafilista va to dhana vaphaxeli ni tiñanga, va txi kha vona: Hi na maha txani athu ngu dibhokiso da Mkoma kani? Hi geleni ti hi no di tshumetisa tona di txiya ka wukhalo wa dona.

1 Samuwele 6:2 Referans Kwoze

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 2:2

Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Matewu 2:4

Se a to dhana vaphaxeli va hombe ni vabhali va ditiko, a txi va wotisa ahawa a nga ti fanela kuvelekelwa kona Mesiya.

Isaya 2:6

Aniko awe u lekile vathu vako, va nyumba ya ka Jakobe; nguko va tate ngu sihena sa wutxani, va nyawuti kufana ni Vafilista, kambe va ti pata ni vanana va vamatiko.

1 Samuwele 6:1

Ngako koko, dibhokiso da Mkoma di di zumbile ditikoni ka Vafilista mtxhanu wa mtxima ni yimbidi,

1 Samuwele 5:8

Ngu kumaha keto, va to rumela mtumi kuya sengeleta votshe vathangeli va Vafilista, va txi kha vona: “Hi na maha txani athu ngu dibhokiso da Txizimu txa va ka Israyeli kani?” Se va to xamula va txi kha vona: Dibhokiso da Txizimu txa ka Israyeli di na horoleke Gati. Ngu kumaha keto, va to ya rwala dibhokiso da Txizimu txa ka Israyeli ve horoloka nado.