1 Samuwele 5:9 - Bhiblia Yo Sawuleka

⁹ Se ku to maheka ti taku, kukhukhela ka kule va nga ya horoloka nado, dianza da Mkoma di to wukela didhoropa dile, ngu sikarato sa hombe ngutu; nguko a to daya vathu va didhoropa dile, kukhukhela ka wam'dotho kala ka wa hombe; kambe va to pomelwa ngu sithunye mimidini kwawe.

1 Samuwele 5:9 Referans Kwoze

1 Samuwele 5:6

Aniko Mkoma a to nemetisa dianza dakwe txitimwi ka va ka Asidhodhe, e va xasela, ni ku va daya ngu sithunye, va ka Asidhodhe ni va mihinganoni kwawe.

1 Samuwele 7:13

Ngu kumaha keto, Vafilista va to xulwa ve si swi ve wuya kambe mihinganoni ka Israyeli, nguko dianza da Mkoma di to wukela Vafilista ka otshe masiku a Samuwele.

Dhewuteronome 2:15

Dianza da Mkoma di ti txitimwi kwawe, e va lovisa amu wugoveloni kwawe, kala va txi guma.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

Masalmo 78:66

A khozisile valala vakwe va txi tutuma ve thava; a txi va thela tingana ta yotshe mbimo.

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.

1 Samuwele 6:11

Se va to veka dibhokiso da Mkoma amu ka txikotxikani, kumweko ni txibhokiswana txi ku ni makonzo a nzalama ni sifananiso sa sithunye sawe.

1 Samuwele 5:11

Se va to rumela vathu kuya sengeleta votshe vatahngeli va Vafilista, va txi kha vona: Tshumetani dibhokiso da Txizimu txa ka Israyeli ka wukhalo wa dona, kasiku di si hi dayi athu hambi va kakwathu. Nguko ka dotshe didhoropa ku ti ni kukarateka ko thava kufa, kambe dianza da Txizimu di nemelete ngutu koneho.

1 Samuwele 5:10

Sekoko va to rumela dibhokiso da Txizimu didhoropani ka Ekroni. Ku to maheka koko tito, mbimo yi dibhokiso da Txizimu di nga wulela Ekroni, va ka Ekroni va to pekeletela tihuwa, va txi kha vona: Va hi nehete dibhokiso da Txizimu txa ka Israyeli, kasiku ta hi daya, athu ni va kakwathu.