1 Samuwele 5:8 - Bhiblia Yo Sawuleka

⁸ Ngu kumaha keto, va to rumela mtumi kuya sengeleta votshe vathangeli va Vafilista, va txi kha vona: “Hi na maha txani athu ngu dibhokiso da Txizimu txa va ka Israyeli kani?” Se va to xamula va txi kha vona: Dibhokiso da Txizimu txa ka Israyeli di na horoleke Gati. Ngu kumaha keto, va to ya rwala dibhokiso da Txizimu txa ka Israyeli ve horoloka nado.

1 Samuwele 5:8 Referans Kwoze

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Amosi 6:2

Pindani ngu Kalini mi wona, ngu niya, tsulani ka Hamati wa hombe; mi gwita mi relela mi ya Gati ka Vafilista: Mi nava vatxhuko kupinda mifumo yiya kani? Mwendo i nava ya hombe mihingano yakwe kupinda mihingano yanu kani?

1 Samuwele 17:4

Sekoko ku to huma wamwamna wa ndena ngu digoveloni ka Vafilista, wule ditina dakwe i nga ti ti Goliya, wa Gati, a nga ti ni mtxhanu wa mikono ni wumwewo kulapha ni dianza dimwedo.

1 Samuwele 5:11

Se va to rumela vathu kuya sengeleta votshe vatahngeli va Vafilista, va txi kha vona: Tshumetani dibhokiso da Txizimu txa ka Israyeli ka wukhalo wa dona, kasiku di si hi dayi athu hambi va kakwathu. Nguko ka dotshe didhoropa ku ti ni kukarateka ko thava kufa, kambe dianza da Txizimu di nemelete ngutu koneho.

1 Samuwele 5:7

Sekoko va di ti woni tiya vathu va Asidhodhe, va to kha vona: Di nga zumbe ni nathu dibhokiso da Txizimu txa ka Israyeli; nguko dianza da txona da nemela kwathu, ni ka Dhagoni, txizimu txathu.

1 Samuwele 29:6

Sekoko Akisi a to dhana Dhavhidha a txi khene kwakwe: Ni xambanya ngu Mkoma a hanyako, ti to awe u lulamile, ni ti to kuwulela kwako ni kuhuma kwako ni nani wugoveloni ndinene masoni kwangu; nguko kha na wona wubihi ni wawumwewo kwako, kukhukhela ka ditshiku dile u nga ta kwangu kala ka ditshiku da nyamsi; kambe masoni ka vathangeli khu tsakisi.

Joxuwa 13:3

kukhukhela Xihori ku ku masoni ka Egipta, kala mihinganoni ka Ekroni ka wuphemba, ditiko di va ku kha vona nda Vakanana, mtxhanu wa vathangeli va Vafilista, i ku vava: Mthangeli wa Gaza, wa Asihodhe, wa Asikaloni, wa Gati ni wa Ekroni; ni Vahevhi;

Joxuwa 15:11

wu txi hoka mkovani ka Ekroni kuya wuphemba, ni kuya Sikeroni, wu txi pinda ngu mmangoni ka Bhahala, wu txi hoka Jabheheli, wu txi ya gwitela lineneni.

1 Samuwele 6:2

Vafilista va to dhana vaphaxeli ni tiñanga, va txi kha vona: Hi na maha txani athu ngu dibhokiso da Mkoma kani? Hi geleni ti hi no di tshumetisa tona di txiya ka wukhalo wa dona.

1 Samuwele 17:52

Sekoko vavamna va ka Israyeli ni va ka Judha va to khukha, ve tsaka ngutu, ve tutumisa Vafilista kala kuya hoka mkovani ni kala kuya hoka ka sike sa Ekroni; se sirumbi sa Vafilista si to mbambamela hanzila, kukhukhela Saharayimi kala Gati ni kuya hoka Ekroni.

1 Makronika 7:21

ni mwanana wakwe Zabhadhi, ni mwanana wakwe Sutela, ni Eseri, ni Eleyadhi; kambe vavamna va Gati, sivelekwa sa ditikoni, va to va daya, nguko va to relela ku ta teka sifuyo sawe.