1 Samuwele 5:6 - Bhiblia Yo Sawuleka

⁶ Aniko Mkoma a to nemetisa dianza dakwe txitimwi ka va ka Asidhodhe, e va xasela, ni ku va daya ngu sithunye, va ka Asidhodhe ni va mihinganoni kwawe.

1 Samuwele 5:6 Referans Kwoze

1 Samuwele 5:11

Se va to rumela vathu kuya sengeleta votshe vatahngeli va Vafilista, va txi kha vona: Tshumetani dibhokiso da Txizimu txa ka Israyeli ka wukhalo wa dona, kasiku di si hi dayi athu hambi va kakwathu. Nguko ka dotshe didhoropa ku ti ni kukarateka ko thava kufa, kambe dianza da Txizimu di nemelete ngutu koneho.

Mithumo 13:11

Wona, konkuwa diwoko da Mkoma di txitimwi kwako. U na maha dibhofu, se ngu mbimo yokari, khu na mbi ngadi u txi wona ditambo.” Kunukunuko, kuphuma ni txidema si to mu khubhunyeta; se e tenderukela e lava wo mu ñoleta ngu diwoko.

Masalmo 32:4

Nguko wusiku ni mitshikari dianza dako di ti ti ni nemela; Ni hisilwe ngu lisani nga tximilwa txa malanga.

Dhewuteronome 28:27

Mkoma a na kuxupha ngu silonda sa mazuku a Egipta, ni sithunye, ni txigwere, ni mathanzi, kha ku na mbi maneka wa ku kuhanyisa ka sona.

Eksodha 9:3

wona taku dianza da Mkoma di na peka mitxhambi yi yi ku bhuwani, ni mahantxhi, ni timbongola, ni makamelu, ni tihomu ni tinvuta, ngu mtungu wa hombe ngutu.

Masalmo 78:66

A khozisile valala vakwe va txi tutuma ve thava; a txi va thela tingana ta yotshe mbimo.

1 Samuwele 5:7

Sekoko va di ti woni tiya vathu va Asidhodhe, va to kha vona: Di nga zumbe ni nathu dibhokiso da Txizimu txa ka Israyeli; nguko dianza da txona da nemela kwathu, ni ka Dhagoni, txizimu txathu.

Jobe 31:3

Ina hi nga kutimela ka m'bihi, ni phango ka vale va mahako to biha kani?

1 Samuwele 5:9

Se ku to maheka ti taku, kukhukhela ka kule va nga ya horoloka nado, dianza da Mkoma di to wukela didhoropa dile, ngu sikarato sa hombe ngutu; nguko a to daya vathu va didhoropa dile, kukhukhela ka wam'dotho kala ka wa hombe; kambe va to pomelwa ngu sithunye mimidini kwawe.

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.

Genesisi 41:31

Kha ku na mbi alakanywa kambe ati ku nga ti pfunisile tona ditikoni muwa, ngu mhaka ya nzala yi yi no vaho, nguko yi na va i di ya hombe ngutu.