1 Samuwele 5:4 - Bhiblia Yo Sawuleka

⁴ Se magwanani ka kona, va ka Asidhodhe va to wuka kambe ni mabimbi-kutxa, ve wona Dhadoni a di wite hahatshi ngu khohe, masoni ka dibhokiso da Txizimu; se msungo wa Dhagoni ni manza akwe a mambidi, ma ti witwe txitimwi ka mtshunzuti; kusala dwe mmidi wa Dhagoni.

1 Samuwele 5:4 Referans Kwoze

Mika 1:7

Se sotshe sithombe sakwe so vatwa si na tshatulelwa, ni yotshe miholo yakwe yi na hiswa ngu mndilo, ni na fuvisa sotshe sithombe sakwe, nguko asi mani ngu mtengo wa wugelegele wakwe, se si na maha hakhelo ya digelegele.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Isaya 40:20

Txisiwana txi sisikotiko kuninga so tala, txi sawula dipulango di di si siniko; se mthumi wo txhariha e di teka, kasi ku ta m'vatela txithombe txi txi si zinginikiko.

Jeremiya 10:14

Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Jeremiya 10:15

Sona kha si nyawuli, mithumo ya wulundumisi; ka mbimo ya kutsayisa si na lova.