1 Samuwele 4:9 - Bhiblia Yo Sawuleka

⁹ Tsanani anu Vafilista, mi va vavamna, kasiku mi si thuki mi thumela Vahebheru, nga kule ni vona va nga mi thumela; Tikombeni koko ku mi vavamna, milwa.

1 Samuwele 4:9 Referans Kwoze

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

Valamuli 13:1

Se vanana va ka Israyeli va to engeta kumaha to biha masoni ka Mkoma, se Mkoma a to va ningela manzani ka Vafilista amu ka mune wa magumi a malembe.

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

1 Samuwele 4:8

Dikhombo kwathu! I mani a no hi txhatxhisa manzani ka sizimu siya sa hombe kani? Asiya ngu sona sizimu si si nga xasela Vaegipta, ngu yotshe mitungu txiwulani.

1 Samuwele 14:21

Kambe hagari ka Vafilista ku ti ti ni Vahebheru, kufana ni kukhatani, avale va nga kwelela navo veya randela wugovelo; se ni vona vava va to ti pata ni va ka Israyeli, vale va nga ti ti ni Sawule ni Jonatani.