1 Samuwele 4:4 - Bhiblia Yo Sawuleka

⁴ Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

1 Samuwele 4:4 Referans Kwoze

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

Malakiya 1:9

Konkuwa koko, kombelani ka Txizimu, se txona txi na hi pfela wusiwana; atiya ti tile ngu manzani kwanu, ene a na mi tumela kani? Kuwomba Mkoma wa Mabutho a Tiyimbi.

1 Samuwele 2:22

Sekoko Eli a ti ti kumbile ngutu, aniko a to pfa totshe tile vanana vakwe va nga ti maha, ka votshe va ka Israyeli, niku va otela ni vavasikati vale va nga ti sengeletana ngu mitxawa ha txikeni ka ditenda da msengeletano.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 4:5

Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.

1 Samuwele 1:24

Se ngako a di mlumute, a to tsula nayo, ni marole mararu ni efa ya mpupu, ni fuko ya vhinya, se e si tisa Nyumbani ka Mkoma, kona Silo. Aniko mfana i ti ti ngadi mwanana ngutu.

2 Samuwele 15:24

Wona taku Zadhoki nene a ti ti ho koneho kumweko ni votshe Valevhi vale va nga ti rwate dibhokiso da txitumelelano txa Txizimu; se va to veka koneho dibhokiso da Txizimu; se Abhiyatari a to kwelela kala kuza vathu votshe ve guma kuhuma didhoropani.

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

1 Samuwele 14:3

Kambe Ayiyasi, mwana Ayitubhe, mwanawe wa Ikabho, mwana Finiyasi, mwana Eli, mphaxeli wa Mkoma kona Silo, a ti ti ambate efodhe; kambe vathu va si tiziva taku Jonatani a ti ti tsute.

Masalmo 80:2

Komba wuhombe wako ka tihunzu ta Efrayime, Bhenjamini ni Manasi! Wuka u txi ta hi hanyisa ngu mtamo wako!