1 Samuwele 4:3 - Bhiblia Yo Sawuleka

³ Se mbimo yile vathu va nga tshumela veya wugoveloni, madhota a ka Israyeli, ma to kha ona: A hi lekete txani Mkoma hi xulwa nyamsi masoni ka Vafilista kani? Hi tsimbeleni Silo hi ya teka dibhokiso da txitumelelano txa Mkoma, hi ta di veka hagari kwathu, kasiku di txi hi hulukisa manzani ka valala vathu.

1 Samuwele 4:3 Referans Kwoze

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

2 Timoti 3:5

Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

Jeremiya 7:4

Mi nga thembeni timhaka ta makuhu, mi txi khanu: Dithepele da Mkoma, Dithepele da Mkoma, Dithepele da Mkoma ngu dona diya!

Jeremiya 3:16

Nga ha anu mi txi endeleka mi tala ditikoni ka onayo masiku, kuwomba Mkoma, kha ku na mbiswa kambe kuwombwa txilo ngu dibhokiso da Txitumelelano txa Mkoma; kha va na mbi ngadi ve di alakanya hambi kupfa kulula, kambe kha va na mbi maha dimwani.

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Masalmo 74:11

Ngu kutxani u txi sisa dianza dako da mtamo kani? Ngu kutxani u txi khutarela mawoko ako kani?

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

1 Makronika 17:1

Se ku to maheka taku, ngako Dhavhidha a di zumbile nyumbani kwakwe, a to gela mprofeti Nathani, a txi khene: Wona taku, ni zumba mu ka nyumba yo akwa ngu mikedhari, kambe dibhokiso da txitumelelano txa Mkoma, di zumba ditendani.

2 Samuwele 15:25

Sekoko mfumeli a to khene ka Zadhoki: Tshumeta dibhokiso da Txizimu didhoropani; kambe ni txi na mana mathomo masoni ka Mkoma, a na ni tshumetela eya ni komba dona ni nyumba ya dona.

1 Samuwele 14:18

Sekoko Sawule a to khene ka Ayiyasi: Tisa dibhokiso da Txizimu hawa. (Nguko ka ditshiku dile, dibhokiso da Txizimu di ti ni vanana va ka Israyeli).

Joxuwa 7:7

Se Joxuwa a to khene: “Yowe! Mkoma Txizimu! Ngu kutxani u nga txhatukisa vathu vava mnambo wa Jordhani, kasi ku ta hi ningela manzani ka Vaamori, va txi ta hi lovisa kani? I di txhuko hi ti ko zumba mtxhatuko ka Jordhani!

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Dhewuteronome 31:26

“Amukelani dibhuku diya da Mlayo, mi txi di veka hafuhi ni dibhokiso da txitumelelano txa Mkoma, Txizimu txanu, di na maha fakazi masoni kwanu.

Dhewuteronome 29:24

ni otshe matiko ma na kha ona: “Ngu kutxani Mkoma a txi ti maha toneto ka ditiko diya kani? Ti txhamusa txani kutura ka hombe ka kuhenya kwakwe kani?”

Mitengo 31:6

Se Mosi a to va rumela yimbini 1.000 wa vona, ngu ka lihunzu limwelo ni limwani, ve tsula ni Finiyasi, mwana Eleyazari, mphaxeli, yimbini, ni siya so sawuleka, ni mipundu yo txharihisa manzani.

Mitengo 10:35

Mbimo yi koko dibhokiso di nga ti khukha, Mosi a ti ti khene: “Wuka Mkoma, valala vako va na hangalaswe, ni va va ku vengako, va na thave masoni kwako.”

Mitengo 10:33

Ngu kumaha keto, va to khukha ngu mmangoni ka Mkoma, ve tsimbila masiku mararu; se dibhokiso da txitumelelano txa Mkoma, di to thangela masoni kwawe masiku mararu, kasi ku va lavela wukhalo wo humula ka wona.

Joxuwa 6:6

Sekoko Joxuwa, mwana Nune, a to dhana vaphaxeli, a txi va gela tiya: “Rwalani dibhokiso da txitumelelano; mtxhanu wa vaphaxeli ni vambidi, va na teke mtxhanu wa titshodi ni timbidi ta titxheho ta tihamba, va txi thangela masoni ka dibhokiso da Mkoma.”

Joxuwa 7:8

O! Mkoma! Ni na womba txani, aku va ka Israyeli va nga tshembereka va txi tshuralela valala vawe kani?

1 Samuwele 1:24

Se ngako a di mlumute, a to tsula nayo, ni marole mararu ni efa ya mpupu, ni fuko ya vhinya, se e si tisa Nyumbani ka Mkoma, kona Silo. Aniko mfana i ti ti ngadi mwanana ngutu.

1 Samuwele 4:2

Se Vafilista va to ti longisela ngu kufola, ve hingeta va ka Israyeli ku yalwa navo; se va di khatile kulwa, va ka Israyeli va to dawa ngu Vafilista, nguko kudatwe libalani ka yimbi vavamna vo dingana 4.000.

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Isaya 59:2

Aniko wubihi wanu wa veka muhingano hagari kwanu ni Txizimu txanu, ni sionho sanu si sisa khohe ya Txizimu kwanu, kasi ku txi si mi engisi.