1 Samuwele 4:2 - Bhiblia Yo Sawuleka

² Se Vafilista va to ti longisela ngu kufola, ve hingeta va ka Israyeli ku yalwa navo; se va di khatile kulwa, va ka Israyeli va to dawa ngu Vafilista, nguko kudatwe libalani ka yimbi vavamna vo dingana 4.000.

1 Samuwele 4:2 Referans Kwoze

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.

1 Samuwele 17:21

Se va ka Israyeli ni Vafilista va to fola, va txi ema ve wonetelana.

1 Samuwele 17:8

Se Goliya a to ema, e huwelela ka mabutho a Israyeli, a txi khene: Mi humela txani mi di xomile yimbi kani? Ina ani kha ni nga Mufilista, se anu, kha mi nga sithumi sa Sawule kani? Sawulani hagari kwanu wamwamna wu a no relela e ta kwangu.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

1 Samuwele 4:1

Se dipswi da Samuwele di to ta ka ditiko dotshe da Israyeli; aniko va ka Israyeli va to huma ve hingeta Vafilista, ku yalwa navo, kambe va to ya gova hafuhi ni Ebhenezeri; se Vafilista vona va to ya gova hafuhi ni Afeka.

1 Samuwele 4:3

Se mbimo yile vathu va nga tshumela veya wugoveloni, madhota a ka Israyeli, ma to kha ona: A hi lekete txani Mkoma hi xulwa nyamsi masoni ka Vafilista kani? Hi tsimbeleni Silo hi ya teka dibhokiso da txitumelelano txa Mkoma, hi ta di veka hagari kwathu, kasiku di txi hi hulukisa manzani ka valala vathu.

1 Samuwele 4:10

Sekoko Vafilista va to lwa ni va ka Israyeli, ve va xula; ve tutuma, mmwani ni mmwani e ti tsulela ditendani kwakwe; ku to va ni kuonhetela ka hombe, kudawa 30.000 wa vavamna va ka Israyeli, va nga ti tsimbila ngu mikondo.

Levhi 26:37

Mi na humbana mmwani a txi wela txitimwi ka mmwani, ku nga mo tutumiswa hambi mi si tutumiswi, kambe kha mi na mbi sikota kuema masoni ka valala vanu.

Mitengo 14:45

Sekoko, Vaamaleki, ni Vakanana, ava va nga ti akile mmangoni, va to relela ve ta lwa ni Vaisrayeli, ve va xula, ve va tutumisa kala ve hoka Herma.