1 Samuwele 4:10 - Bhiblia Yo Sawuleka

¹⁰ Sekoko Vafilista va to lwa ni va ka Israyeli, ve va xula; ve tutuma, mmwani ni mmwani e ti tsulela ditendani kwakwe; ku to va ni kuonhetela ka hombe, kudawa 30.000 wa vavamna va ka Israyeli, va nga ti tsimbila ngu mikondo.

1 Samuwele 4:10 Referans Kwoze

2 Vafumeli 14:12

Se Judha a to pekwa masoni ka Israyeli, se mmweyo ni mmweyo a to tutuma e tsula ditendani kwakwe.

1 Samuwele 4:2

Se Vafilista va to ti longisela ngu kufola, ve hingeta va ka Israyeli ku yalwa navo; se va di khatile kulwa, va ka Israyeli va to dawa ngu Vafilista, nguko kudatwe libalani ka yimbi vavamna vo dingana 4.000.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

2 Samuwele 18:17

Se va to teka Abhisalome, ve mtshotsha txitingani, amu ka diphala da hombe, ve mkuletela ngu mmumbu wa hombe wa marigwi; kambe votshe va ka Israyeli va to tutuma, mmwani ni mmwani e ti tsulela ditendani kwakwe.

Masalmo 78:9

Vathu va nyumba ya ka Efrayime, va nga ti xomile malaho ni tingove, va to tutuma ve thava ka ditshiku da yimbi;

2 Makronika 25:22

Se va ka Judha va to xulwa ngu va ka Israyeli, ve tutuma mmweyo ni mmweyo e tsula ditendani kwakwe.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.

1 Vafumeli 22:36

Msana ka kuswa ka ditambo, ku to pinda m'thu wokari, a txi huwelela ka mabutho ale, a txi khene: Mmweyo ni mmweyo a na tsule m'tini kwakwe, ni ditikoni kwakwe!

1 Vafumeli 12:16

Msana ka kuva votshe Vaisrayeli va di ti woni taku mfumeli kha va engisi, vathu va to tshumela ve mxamula ku kha vona: Njiavelo muni hi ku natxo athu ka Dhavhidha kani? Kha hi mani thomba ka mwana Jese. Tsula matendani kwako awe Israyeli! Ninga koko, ka nyumba yako, awe Dhavhidha. Se Israyeli a to tsula matendani kwakwe.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

2 Samuwele 19:8

Sekoko mfumeli a to khukha eya khalahatshi ha txikeni, se va to gela vathu votshe, va txi kha vona: Wonani mfumeli, a khalahatshile ha txikeni. Sekoko votshe vathu va toya sengeletana masoni ka mfumeli; kambe va ka Israyeli va to tutuma, mmwani ni mmwani e ti tsulela ditendani kwakwe.

2 Samuwele 18:7

Se vathu va ka Israyeli va to xulwa koneho, masoni ka sithumi sa Dhavhidha, kambe ka dona ditshikuedo, kudawa vathu vavangi ngutu vo dingana 2.000 wa vona.

Dhewuteronome 28:15

Kambe ku na maheka taku, ngako u si engisi dipswi da Mkoma, Txizimu txako, u si khatali ngu kuvekisa sotshe sirumo sakwe ni sotshe sileleto sakwe, asi nyamsi ni kugelako, ni txi kuninga, makhombo otshe ma na wa txitimwi kwako, ma txi kupfinya.

Jeremiya 7:12

Tsulani koko ka wukhalo wangu wu nga ti manekela Silo, aho di nga ti zumbile kona ditina dangu kukhatani, mi txi ya wona ti ni nga maha, ngu mhaka ya wubihi wa vathu vangu va ka Israyeli.

1 Samuwele 3:11

Se Mkoma a to khene ka Samuwele: Wona tito, ani ni na maha mhaka yokari ka Israyeli, a yi yi no kwangula tinzeveni ka ni wuhi a yi pfako.