1 Samuwele 3:9 - Bhiblia Yo Sawuleka

⁹ Ngu kumaha keto, Eli a to khene ka Samuwele: Tsula u txiya otela, se va txi engeta kambe ve kudhana, u na womba tiya: “Womba-womba Mkoma, nguko txithumi txako txa engisa.” Sekoko Samuwele a to tsula eya otela ka wukhalo wakwe.

1 Samuwele 3:9 Referans Kwoze

Eksodha 20:19

Va to womba ka Mosi, va txi kha vona: “Awe womba-womba ni nathu, hi na engisa; aniko txi nga womba-wombe Txizimu ni nathu, kasi ku hi si fi.”

Isaya 6:8

Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Masalmo 85:8

Ni na engisa atile Txizimu txi no womba. Kha ditshuri Mkoma a thembisile kudikha ka vathu vakwe, ka vathu va va m'thembako kasiku va si tshumeleli wupumbuni.

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Dhaniyeli 10:19

Txi txi kha txona: U nga thave, wamwamna wo dhundeka ngutu! Kudikha ku nave ni nawe! Tsana, ina, tsana! Se a txi ngadi e womba-womba ni nani, ni to tsana ni txi khani: Womba-womba nyamne wangu, nguko wu ni tsanisile.

1 Samuwele 3:8

Mkoma koko, a to engeta e dhana Samuwele da wuraru, se ene a to wuka, e tsula ka Eli, a txiya khene: Ngani wuwa hawa, nguko awe u ni dhani. Sekoko Eli a to pfisisa taku i Mkoma a nga ti dhana mfana.

1 Samuwele 3:10

Sekoko Mkoma a to ta ema, e dhana kufana ni simwani sikhati, a txi khene: Samuwele, Samuwele! Se Samuwele a to xamula, a txi khene: Womba-womba, nguko txithumi txako txa engisa.

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Masalmo 85:9

Kha ditshuri kuhanyisa kwakwe ku hafuhi ka vale va m'thavako ni wudhumo wakwe wu na aka ditikoni kwathu.