1 Samuwele 3:7 - Bhiblia Yo Sawuleka

⁷ Nguko Samuwele a sanzi kuziva Mkoma, kambe asi khali kupfa dipswi da Mkoma.

1 Samuwele 3:7 Referans Kwoze

Mithumo 19:2

a txi khene kwawe: “Mi amukete Moya wo Sawuleka ditshiku di mi nga kholwa ngu dona kani?” Vona va to angula va txi kha vona: “Kha hi zivi ku nga tipfa ti to waho Moya wo Sawuleka.”

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.

1 Vakorinto 13:11

Mbimo yi ni nga ti mwanana, ni ti wombawombisa txiwanana, ni ti alakanyisa txiwanana, ni ti pimisisa txiwanana; kambe mbimo yi se ni nga kula, ni to leka ta wanana.

1 Samuwele 3:6

Se Mkoma a to engeta kambe e dhana Samuwele. Samuwele a to wuka, eya ka Eli, a txiya khene: Ngani wuwa hawa, nguko awe u ni dhani. Aniko Eli, a to khene: Kha na kudhana ani, mwanangu, tshumela u txi ya otela.

1 Samuwele 3:8

Mkoma koko, a to engeta e dhana Samuwele da wuraru, se ene a to wuka, e tsula ka Eli, a txiya khene: Ngani wuwa hawa, nguko awe u ni dhani. Sekoko Eli a to pfisisa taku i Mkoma a nga ti dhana mfana.