1 Samuwele 3:3 - Bhiblia Yo Sawuleka

³ Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu,

1 Samuwele 3:3 Referans Kwoze

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Masalmo 29:9

Dipswi da Mkoma da maha ti to timhoti ti txhisa, da morisa mazokoro a mindonga ya txitinga. Nyumbani kwakwe votshe va kwangula va txi kha vona: “Wudhumo wu nave ka Txizimu!”

Masalmo 5:7

Aniko, ani, ngu wuhombe wa lirando lako, na sikota kuwulela nyumbani kwako ni txi kukhozela amu Dithepeleni kwako ngu txithavo.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

1 Samuwele 1:6

Se mkatikulowe a to mtxhepeta, kasiku mpfisa kupanda, ngu kule Mkoma a nga ti m'vhate masembe.

Eksodha 25:31

Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo.

1 Samuwele 1:9

Sekoko Ana a to khukha, msana kova va di dyite ni kusela, kona Silo; se Eli, mphaxeli, a ti khalahatshile ha txituluni, hafuhi ni phande ya dithepele da Mkoma.